جموں، 26 نومبر:
وادی کشمیر اور لداخ خطہ میں گزشتہ 24 گھنٹوں کے دوران رات کا درجہ حرارت نقطہ انجماد سے نیچے گر گیا۔محکمہ موسمیات نے ہفتے کے روز آئندہ 24 گھنٹوں کے دوران موسم خشک رہنے کی پیش گوئی کی ہے۔محکمہ موسمیات کے ایک اہلکار نے کہا کہ آئندہ 24 گھنٹوں کے دوران جموں و کشمیر اور لداخ میں موسم خشک رہنے کا امکان ہے۔ وادی اور لداخ میں رات کا درجہ حرارت آج پھر نقطہ انجماد سے نیچے گر گیا۔اس دوران سری نگر میں آج صبح کم سے کم درجہ حرارت منفی 1 ڈگری سیلسیس، پہلگام میں منفی 3 اور گلمرگ میں منفی 0.4 ڈگری سیلسیس ریکارڈ کیا گیا۔لداخ خطے کے دراس قصبے میں منفی 9.8 ڈگری سیلسیس کم از کم درجہ حرارت ریکارڈ کیا گیا،اور کرگل میں منفی 10.6 اور لیہہ میں منفی 8.2 ڈگری سیلسیس ریکارڈ کیا گیا۔جبکہ جموں میں 9.6 ڈگری سیلسیس، کٹرہ میں 9.4، بٹوت میں 6.3، بانہال میں 5.2 اور بھدرواہ میں 3.8 ڈگری سیلسیس درج کیا گیا
