گاندربل:12،جنوری:
وسطی کشمیر کے سیاحتی مقام سونہ مرگ میں اسوقت خوف وہراس کی لہر دوڑ گئی ،جب یہاں نزدیکی علاقوں نیل گراٹھ سربل اور ہنگ میں جمعرات کی صبح نزدیک پہاڑ سے خوفناک برفانی تودے گرآئے۔حکام نے برفانی تودے کی زدمیں آکر کشواڑ کے رہنے والے 2 مزدور وںکے لقمہ اجل بن جانے کی تصدیق کرتے ہوئے کہاکہ اس علاقے میں بچاؤ آپریشن جاری رکھاگیاہے ۔جے کے این ایس کے مطابق وسطی کشمیر کے سیاحتی مقام سونہ مرگ کے نزدیکی علاقوں نیل گراٹھ سربل اور ہنگ میں جمعرات کی صبح نزدیک پہاڑ سے خوفناک برفانی تودے گرآئے۔انہوں نے کہاکہ برفانی تودہ گرنے کی اطلاع ملنے کے فوراً بعد، کسی بھی ہنگامی صورتحال سے بچنے کےلئے افراد اور مشینری کو متحرک کر دیا گیا۔
حکام نے بتایاکہ چند گھنٹوں کی بچاؤکارروائی کے بعد ایک مزدور کی لاش برف کے نیچے سے مل گئی۔اے ڈی ڈی سی گاندربل نے کہا کہ کم از کم ایک اور ہلاکت ہو سکتی ہے۔نیل گراٹھ کے قریب سربل علاقے میں برفانی تودہ گرا ، جہاں حیدرآباد نشین میگھا انجینئرنگ اینڈ انفراسٹرکچر لمیٹڈ (MEIL) زوجیلا ٹنل پر کام کر رہی ہے۔ حکام نے بتایاکہ برفانی تودے کی جگہ سے ایک کارکن کی لاش نکال کر قریبی اسپتال منتقل کر دی گئی ہے۔انہوںنے کہاکہ ایک اور شخص لاپتہ ہے جیسا کہ موبائل ٹریکر سسٹم نے تجویز کیا ہے۔
حکا م نے بتایاکہ ہم نے چیزوں کو قابو میں رکھنے کےلئے ریسکیو آپریشن کو تیز کر دیا ،اور پولیس، ایس ڈی آر ایف، آرمی، بیکن اور ایم ای آئی ایل کی ٹیمیں موجود ہیں۔چیف میڈیکل افسر گاندربل ڈاکٹر افروزہ نے کہا کہ کسی بھی زخمی کو طبی امداد کی ضرورت پڑنے کی صورت میں علاقے میں طبی ٹیموں کو اسٹینڈ بائی پر رکھا گیا ہے۔حکام نے جمعرات کی شام کوبتایاکہ برف کے نیچے سے ایک اور شخص کی لاش برآمد ہوئی ہے، جس سے سربل برفانی تودہ گرنے کے واقعے میں مرنے والوں کی تعداد2 ہوگئی ہے۔
ایک اہلکار نے خبر رساں ایجنسی کو بتایا کہ دوسرے شخص کی لاش، جس کا موبائل فون ٹریکنگ سسٹم پر روکا گیا تھا، اس مقام پر مختلف ایجنسیوں کی جانب سے شروع کی گئی شدید کوششوں کے بعد برآمد کیا گیا۔انہوںنے کہاکہ اس سے پہلے ایک شخص کی لاش، بظاہر ایک مزدور کی تھی، (سربل) سائٹ سے برآمد ہوئی تھی۔حکام نے مزید کہاکہ کسی بھی صورت حال سے نمٹنے کے لیے متاثرہ جگہ کے اندر اور اس کے آس پاس ریسکیو آپریشن جاری ہے۔حکام نے بتایاکہ برفانی تودے کی زومیں آکرمرنے والوں کی شناخت سندیپ کمار ولد منشی رام ساکنہ سارہ پاڈر کشتواڑ اور بالا کرشنا ولدبنسی لال ساکنہ گڑا پاڈر کشتواڑکے طور پر ہوئی ہے۔
