جموں،21 جنوری :
جموں کے نروال علاقے میں ہفتے کو دو پر اسرار دھماکوں میں کم سے کم 6 افراد زخمی ہوگئے۔
پولیس ذرائع نے بتایا کہ جموں کے نروال علاقے میں دو دھماکے ہوئے جن کے نتیجے میں کم سے کم چھ افراد زخمی ہوگئے۔ بتایا جاتا ہے کہ یہ دھماکے دو گاڑیوں میں ہوئے ہیں۔
انہوں نے کہا کہ زخمیوں کو علاج و معالجے کے لئے جی ایم سی جموں منتقل کیا گیا ہے۔
ایڈیشنل ڈائریکٹر جنرل پولیس جموں مکیش سنگھ نے بتایا کہ جموں کے نروال میں دو دھماکے ہوئے جن میں چھ افراد زخمی ہوگئے۔
دریں اثنا پولیس کے اعلیٰ عہدیدار حالات کا جائزہ لینے کے لئے جائے وادات پر پہنچ گئے ہیں۔
واقعے کے فوراً بعد سیکورٹی فورسز نے پورے علاقے کو محاصرے میں لے کر تلاشی آپریشن شروع کر دیا ہے۔
ایک مقامی شہری نے بتایا کہ پیہلا دھماکہ قریب سوا گیارہ بجے ہوا اور اس کے پندرہ منٹ بعد دوسرا دھماکہ ہوا۔
یہ دھماکے اس وقت ہوئے ہیں جب بھارت جوڑ یاترا صوبہ جموں پہنچ گئی ہے اور یوم جمہوریہ کی تقریبات کے انعقاد کے لئے تیاریوں کو بھی حتمی شکل دی جا رہی ہے۔
