کپواڑہ / 29؍دسمبر:
سیکرٹری سیاحت و ثقافت ڈاکٹر سیّد عابد رشید شاہ نے آج کپواڑہ کا دورہ کیا اور’وِکست بھارت سنکلپ یاترا‘ کی شاندار اختتامی تقریب میں شرکت کی جس کا مقصد بیداری پھیلانا اور مختلف فلیگ شپ سرکاری سکیموں کی تکمیل کو یقینی بنانا ہے۔
کپواڑہ کے خوبصورت ضلعی ہیڈکوارٹر میں واقع ایم سی آفس میں برف سے ڈھکے پہاڑوں اور ہرے بھرے گھنے جنگلوں میں واقع اس تقریب میں لوگوں کی زبردست پذیرائی دیکھنے میں آئی۔
میگا’وِکست بھارت سنکلپ یاترا ‘ تقریب میں ضلع ترقیاتی کمشنر کپواڑہ آیوشی سوڈان ، وائس چیئرمین ضلع ترقیاتی کونسل کپواڑہ حاجی فاروق احمد میر ، اے ڈی ڈی سی کپواڑہ الطاف احمد خان، سی اِی او ایل بی ڈی ڈی اے زرگر گیلانی ،ڈی ڈی سی ممبر درگمولہ ایڈوکیٹ آمنہ مجید، ضلعی افسران، بلدیاتی اِداروں کے نمائندے، پی آر آئیز کے علاوہ کپواڑہ قصبہ کے لوگوں نے بھی شرکت کی۔
ڈاکٹر سیّد عابد رشید شاہ نے اجتماع سے خطاب کرتے ہوئے کپواڑہ کے لوگوں کو سرد موسم کے باوجود بڑی تعداد میں وکست بھارت سنکلپ یاترا میں شرکت کرنے پر مبارک باد پیش کی اوراُنہوں نے کہا کہ یہ اس بات کا ثبوت ہے کہ کپواڑہ کے لوگ گرمجوشی اور مہمان نواز ہیں۔ انہوں نے کہا کہ کپواڑہ اپنی قدرتی خوبصورتی اور عوام کی ذہانت کے لئے پوری دنیا میں مشہور ہے، جو ضلع کا حقیقی اثاثہ ہیں۔
سیکرٹری سیاحت نے کہا کہ اُنہیں اُمید ہے ضلع کپواڑہ اپنے لوگوں کی صلاحیتوں اور قدرتی خوبصورتی کی وجہ سے ملک کے سرفہرست اضلاع میں شامل ہوگا۔
ڈاکٹرسید عابد رشید شاہ نے ضلع ترقیاتی کمشنر کپواڑہ کی قیادت میں ضلع انتظامیہ کپواڑہ کو وِکست بھارت سنکلپ یاتراکے چاروں اہداف کو شاندار کامیابی کے ساتھ حاصل کرنے پرمبارک باد دی۔ اُنہوں نے لوگوں پر زور دیا کہ وہ ضلعی انتظامیہ کے ساتھ تعاون کریں اور حکومت کی تمام سکیموں کو عملی جامہ پہنانے میں فعال کردار ادا کریں۔اِس سے قبل ضلع ترقیاتی کمشنر کپواڑہ نے اَپنے خطبہ اِستقبالیہ خطاب میں کہا کہ وکست بھارت سنکلپ یاترا کا مقصد ہر شہری سرکاری سکیموں سے مستفید ہو۔ضلع ترقیاتی کمشنر نے ضلع کے تمام 385 پنچایت اور 39 میونسپل وارڈوں میں کامیابی سے وکست بھارت سنکلپ یاترا کا انعقاد کرنے پر افسران، فیلڈاَفسروں اور پی آر آئیز کو مبارک باد دی۔
وائس چیئرمین ضلع ترقیاتی کونسل کپواڑہ حاجی فاروق احمد میر نے شکریہ کی تحریک پیش کرتے ہوئے سیکرٹری سیاحت پر زور دیا کہ وہ ضلع میں سیاحت کے بنیادی ڈھانچے کی ترقی میں اَپنا کردار ادا کریں۔ اُنہوں نے لولاب کو فروغ دینے اور اسے ملک کا بہترین سیاحتی مقام قرار دینے پر سیکرٹری کا شکریہ ادا کیا۔ وائس چیئرمین نے یہ بھی مطالبہ کیا کہ لولاب میں سرمائی سیاحتی میلہ کا انعقاد کیا جائے جو اپنی قدرتی خوبصورتی، بھرپور ثقافت اور ورثے کے لئے مشہور ہے۔ انہوں نے اس بات پر زور دیا کہ کپواڑہ سرحدی سیاحت کی صلاحیت کے لحاظ سے منفرد ہے جسے ٹیپ کرنے کی ضرورت ہے۔
اِس موقعہ پر مختلف سرکاری محکموں نے اَپنی مصنوعات اور خدمات کی نمائش کے لئے سٹال لگائے تھے ۔ سیکرٹری سیاحت نے ضلع ترقیاتی کمشنر کپواڑہ اور وائس چیئرمین ضلع ترقیاتی کونسل کے ہمراہ سٹالوں کا معائینہ کیا۔اَفسران سے بات چیت کی اور سرکاری سکیموں کے بارے میں فیڈ بیک حاصل کیا او رشجرکاری مہم میں بھی حصہ لیا۔
