سری نگر،9 نومبر (یو این آئی) جموں وکشمیر کے لیفٹیننٹ گورنر منوج سنہا نے اترا کھنڈ کے یوم تاسیس کے موقع پر اس ریاست کے لوگوں کو مبارکباد پیش کی ہے۔انہوں نے دعا کی کہ روحانیت کی یہ سرزمین آنے والے سالوں میں ترقی اور خوشحالی کی نئی بلندیوں کو چھوئے۔بتادیں کہ اتراکھنڈ یوم تاسیس، جس کو اتراکھنڈ دیوس بھی کہا جاتا ہے، ہر سال 9 نومبر کو منایا جاتا ہے۔
منوج سنہا نے ہفتے کو ’ایکس‘ پر اپنے ایک پوسٹ میں اس ریاست کے لوگوں کو مبارکباد دیتے ہوئے کہا: ’اترا کھنڈ کے یوم تاسیس پر دیوی بھومی کے لوگوں کو مبارکباد پیش کرتا ہوں اور ان کے لئے نیک خواہشات کا اظہار کرتا ہوں‘۔انہوں نے دعا کی کہ روحانیت کی یہ سرزمین آنے والے سالوں میں ترقی اور خوشحالی کی نئی بلندیوں کو چھوئے۔
