جموں، 4 جون:
جموں وکشمیر کے ضلع پونچھ میں ایک مسافر بردار گاڑی گہری کھائی میں جاگری جس کے نتیجے میں چار افراد از جان جبکہ سات دیگر شدید طورپر زخمی ہوئے۔سرکاری ذرائع نے بتایا کہ ہفتے کے روز ساٹھے تین بجے کے قریب پونچھ میں نالہ سوجیا کے نزدیک ایک ٹاٹا سومو ڈرائیور کے قابو سے باہر ہو کر گہری کھائی میں جاگری جس کے نتیجے میں گاڑی میں سوار گیارہ مسافر خون میں لت پت ہوئے۔
انہوں نے بتایا کہ آس پاس موجود لوگوں اور پولیس نے فوری طور پرریسکیو آپریشن شروع کیا اورزخمیوں کو علاج ومعالجہ کی خاطر نزدیکی ہسپتال پہنچایا تاہم وہاں پر موجود ڈاکٹروں نے چار مسافروں کو مردہ قرارد یا۔
مہلوکین کی شناخت محمد صادق ولد علی بہادر ساکن گگریا ن ، دس سالہ شبینہ کوثر دختر معراج الدین ، 32سالہ منیرا بیگم زوجہ غلام رسول اور عبدالحد ولد احمد لون کے بطور ہوئی ہے۔سرکاری ذرائع نے زخمیوں کی پہچان ابراہیم ولد غلام رسول ، غلام رسول ولد مجید ، سجاد احمد ولد شفیع ، زیشان احمد ولد ممتاز احمد ، سربا بیگم زوجہ عبدل احد ، حبیب ا لللہ ولد احمد لون اور لیاقت علی ولد شوکت حسین کے بطو رکی۔پولیس نے معاملے کی نسبت کیس درج کرکے مزید تحقیقات شروع کی ہے۔یو این آئی
