سرینگر،16جولائی:
فریضہ حج انجام دینے کے بعد حجاج کرام کا واپسی کا سلسلہ شروع ہو چکا ہے ۔ایسے میں جموں وکشمیر سے حاجیوں کا پہلا قافلہ ہفتے کی صبح سرینگر پہنچ گیا۔ جہاں سرینگر بین الاقوامی ہوائی اڈے پر انہیں انتطامیہ کے اعلی افسران نے والہانہ استقبال کیا ۔
ادھر حجاج کرام کو دیا جانے والا آب زمزم پہلے ہی سرینگر پہنچایا گیا ہے۔ جو فی حاجی میں 5لیٹر کے حساب سے تقسیم کیا جانا ہے۔
امسال جموں و کشمیر سے 6 ہزار سے زائد لوگوں نے حج کا فریضہ انجام دیا ۔ جن میں 6ہزار 72 لوگوں میں 3 ہزار 5 سو مرد جبکہ 2 ہزار 5 سو 72 خواتین شامل ہیں۔کل تعداد میں سے 5 ہزار 4 سو کا تعلق کشمیر سے ہے وہیں باقی صوبہ جموں اور لداخ سے تعلق رکھتے ہیں۔
واضح رہے عازمین حج کی پہلی پرواز 5 جون سے سرینگر بین الاقوامی ہوائی اڈے سے مدینہ منورہ کے لیے روانہ ہوئی تھی۔عازمین حج کی روانگی کی آخری پرواز 21 جون کو روانہ ہوئی تھی۔ 5 جون سے 21 جون تک 40پروازوں کے ذریعے عازمیں روانہ ہوئے تھے جب کہ 282 عازمین دہلی ہوائی اڈے سے روانہ ہوئے۔
