شوپیان،17اگست:
جنوبی کشمیر کے شوپیان ضلع میں فورسز اہلکاروں نے ایک کمین گاہ کو تباہ کرنے کا دعویٰ کیا ہے۔ ذرائع کے مطابق فورس کے اہلکاروں نے مشترکہ طور پر دوران شب ضلع شوپیاں کے کٹہ پورہ علاقے کو گھیرے میں لیکر تلاشی آپریشن شروع کیا۔ تلاشی آپریشن کے دوران ایک مکان میں بنی کمین گاہ کو تباہ کیا گیا۔
اس حوالہ سے پولیس نے بتایا کہ ‘دوران شب عسکریت پسندوں کی موجودگی کی اطلاع موصول ہونے کے بعد پولیس و فورسز نے کٹہ پورہ شوپیاں میں تلاشی آپریشن چلایا جس دوران عسکریت پسندوں نے فورسز اہلکاروں پر ایک گرینڈ پھینک کر موقع سے فرار ہوگئے۔ پولیس کے مطابق اندھیرے کا فائدہ اٹھا کر عسکریت پسند فرار ہونے میں کامیاب رہے جبکہ بعد میں فورسز اہلکاروں نے ایک رہائشی مکان میں بنی ایک کمین گاہ کو تباہ کرکے کچھ ہتھیار بھی برآمد کیا ہے۔
