سرینگر، 31 اگست:
وسطی کشمیر کے بڈگام ضلع کے بنڈگام علاقے میں بدھ کی شام مٹی کے تودے گرنے سے دو افراد ہلاک ہوگئے۔مقامی ذرائع نے بتایا کہ دو افراد جن کی شناخت فیاض احمد پرے ولد مرحوم محمد رمضان اور محمد سبحان پرے ولد غلام محمد کے نام سے ہوئی ہے دونوں بندگام کے رہائشی ریت نکال رہے تھے کہ اچانک مٹی کے تودے کی زد میں آکر موقع پر ہی دم توڑ گئے۔
ایک پولیس افسر نے اس واقعہ کی تصدیق کی اور کہا کہ بڈگام پولیس کی ایک ٹیم بندگام میں موقع پر موجود ہے اور قانونی کارروائیوں کو مکمل کرنے کے بعد لاشوں کو اہل خانہ کے حوالے کر دیا جائے گا۔
