سری نگر، 6 اکتوبر:
مرکزی وزیر مملکت برائے سماجی انصاف رام داس اٹھاولے نے آج کہا کہ جموں و کشمیر میں ترقی اور امن وزیر اعظم مودی کی قیادت والی حکومت کی اولین ترجیح ہے جو کہ اب ظاہر ہو رہی ہے۔ اس سال لاکھوں سیاحوں کا دورہ اور لوگوں کی فلاح و بہبود کے لیے جموں و کشمیر میں مختلف شعبوں میں ہزاروں کروڑ روپے کی سرمایہ کاری کے عمل کا آغازکیا گیا ہے ۔ وزیر نے یہ بات سری نگر میں منعقدہ ایک پریس بریفنگ کے دوران میڈیا سے بات چیت کرتے ہوئے کہی۔
رام داس اٹھاولے نے کہا کہ موجودہ حکومت کے تحت جموں و کشمیر میں اب جو پرامن ماحول ہے، لاکھوں سیاحوں کو راغب کرنے میں کامیاب رہا ہے جو کہ ایک مثبت علامت ہے اور سیاحت کے شعبے میں بنیادی ڈھانچے کی ترقی کے علاوہ جموں و کشمیر کے نوجوانوں کے لیے روزگار کے مواقع پیدا کرے گا۔
اٹھاولے نے کہا کہ حکومت نجی شعبے کی سرمایہ کاری کو راغب کرکے جموں و کشمیر کے نوجوانوں کے لیے روزگار کے مزید مواقع پیدا کرنا چاہتی ہے۔ وزیر نے مزید کہا کہ پرائیویٹ سیکٹر کے بہت سے سرمایہ کار جموں و کشمیر آئے ہیں اور وہ مرکز کے زیر انتظام علاقے کی فلاح و بہبود کے لیے ہزاروں کروڑ روپے کی سرمایہ کاری کریں گے۔یہ کہتے ہوئے کہ جموں و کشمیر ہندوستان کا اٹوٹ انگ ہے اور ہے، اٹھاولے نے کہا کہ امن قائم کرنے اور اپنی ترقی کے لئے ہندوستان کے ساتھ تعلقات کو بہتر بنانا پاکستان کے مفاد میں ہے۔
رام داس اٹھاولے نے کہا کہ پچھلے کئی سالوں سے جموں و کشمیر کے لیے ترقی کے دروازے کھل گئے ہیں جو اس حقیقت سے ظاہر ہوتا ہے کہ مرکزی اسپانسر شدہ تمام اسکیمیں اور پروگرام جیسے پردھان منتری آواس یوجنا، جن دھن یوجنا، مدرا، پی ایم اجولا یوجنا، اسکالرشپ اسکیمیں طلباء، درج فہرست ذاتوں، درج فہرست قبائل اور دیگر پسماندہ طبقات کے لیے فلاحی اسکیمیں اب جموں و کشمیر میں نافذ کی گئی ہیں۔اٹھاولے نے مزید کہا کہ جموں و کشمیر میں بہت سی مرکزی اسکیموں کا سو فیصد نفاذ اس حقیقت کا گواہ ہے کہ حکومت جموں و کشمیر کے لوگوں کو ہر محاذ پر سماجی استحکام فراہم کرنے کے لیے ثابت قدم ہے۔
وزیر موصوف نے بتایا کہ پی ایم نریندر مودی کے دور میں جموں و کشمیر میں سماجی بہبود کی اسکیموں پر عمل آوری میں تیزی آئی ہے جو اس حقیقت سے ظاہر ہے کہ پی ایم جن دھن یوجنا کے تحت 2014-2022 )تمبر)کے درمیان 26 لاکھ اکاؤنٹس کھولے گئے ہیں۔ جموں و کشمیر، 2016-22 ستمبر کے درمیان پی ایم اجولا یوجنا کے تحت، مستحقین کو 12 لاکھ 43 ہزار گیس کنکشن الاٹ کیے گئے ہیں، پی ایم آواس یوجنا (اربن) کے تحت 2015-22 ستمبر کے درمیان، جموں و کشمیر میں 15 ہزار مکانات تعمیر کیے گئے ہیں۔ پی ایم آواس یوجنا (دیہی) کے تحت نوے ہزار مکانات تعمیر کیے گئے ہیں، پی ایم جن آروگیہ یوجنا کے تحت جموں و کشمیر میں 05 لاکھ 9 ہزار کو فائدہ پہنچایا گیا ہے اور اُجالا یوجنا کے تحت جموں و کشمیر میں 85 لاکھ ایل ای ڈی بلب جاری کیے گئے ہیں۔
