سرینگر، 4 نومبر:
جموں و کشمیر میں گزشتہ 24 گھنٹوں کے دوران موسم جزوی طور پر ابر آلود رہا۔ وہیں محکمہ موسمیات نے جمعہ کو کہا کہ جموں و کشمیر میں اگلے 24 گھنٹوں کے دوران جزوی طور پر ابر آلود آسمان کے ساتھ ہلکی بارش کا امکان ہے۔
محکمہ موسمیات کے ایک عہدیدار نے کہا کہ آئندہ 24 گھنٹوں کے دوران جموں و کشمیر میں ہلکی بارش کے امکان کے ساتھ جزوی طور پر ابر آلود آسمان رہے گا۔ اس دوران جموں میں کم سے کم درجہ حرارت 15.8 ڈگری سیلسیس ، کٹرہ میں 14.8، بٹوت میں 9.7، بانہال میں 6.6 اور بھدرواہ میں 6.2 ڈگری سیلسیس درج کیا گیا۔ جبکہ سری نگر میں کم سے کم درجہ حرارت 5 ڈگری سیلیس، پہلگام میں 1.3 اور گلمرگ میں 0.5 ڈگری سیلسیس درج کیا گیا۔ لداخ کے علاقے میں، دراس شہر میں مائنس 2.3، کرگل میں مائنس 3 اور لیہہ میں مائنس 3 ڈگری سیلسیس درج کیا گیا۔
