سرینگر،20اپریل:
وسطی کشمیر کے ضلع بڈگام میں نامعلوم مسلح افراد کی جانب سے پولیس اسٹیشن پر گرینیڈ حملہ کیا گیا۔ حملے میں کسی کے بھی زخمی ہونے کی اطلاع نہیں ہے۔
تفصیلات کے مطابق وسطی کشمیر کے ضلع بڈگام میں نامعلوم مسلح افراد کی جانب سے پولیس اسٹیشن پر گرینیڈ حملہ کیا گیا۔ تاہم گرینیڈ پولیس اسٹیشن کے باہر کے دروازہ پر پھٹ گیا۔ مسلح افراد نے گرینیڈ حملے کے بعد فائرنگ بھی کی۔
حملے میں کسی کے بھی زخمی ہونے کی اطلاع نہیں ہے۔ اس حملے کے بعد پولیس نے جوابی کارروائی کرتے ہوئے گولیوں کے کچھ راؤنڈ فائر کیے۔مسلح افراد اندھیرے کا فائدہ اٹھا کر بھاگنے میں کامیاب ہوئے ہیں۔ سکیورٹی فورسز نے علاقے کو محاصرے میں لیا اور حملہ آوروں کی تلاش شروع کی۔
