نئی دہلی، 08 جون:
ہندوستانی خواتین کرکٹ ٹیم کی کپتان میتھالی راج نے بین الاقوامی کرکٹ سے ریٹائرمنٹ لے لی ہے۔ اس کا اعلان انہوں نے بدھ کو اپنے ٹوئٹر اکاؤنٹ پر کیا۔
متالی نے ٹویٹ کیاکہ "میں نے ایک چھوٹی بچی کے طور پر انڈیا کی جرسی پہن کر اپنے سفر کا آغاز کیا تھا۔ یہ سفر اتار چڑھاؤ سے بھرا ہوا تھا۔ اس سفر کے ہر واقعہ نے مجھے کچھ نیا سکھایا اور پچھلے 23 سال چیلنج بھرے اور خوشگوار رہے ہیں۔‘‘
انہوں نے کہا کہ ہر سفر کی طرح اس کا بھی اختتام ہونا ہے۔ آج میں تمام طرز کی بین الاقوامی کرکٹ سے ریٹائر ہورہی ہوں۔
میتھالی نے 1999 میں 16 سال کی عمر میں ہندوستان کے لیے کھیلنا شروع کیا تھا۔ ہندوستان کی ہمہ وقت کی عظیم میتھالی نے 12 ٹیسٹ، 232 ون ڈے اور 89 ٹی 20 انٹرنیشنل میں ہندوستان کی نمائندگی کی اور بطور کپتان ہندوستان کو دو ورلڈ کپ فائنل تک پہنچایا۔
