سرینگر،11جون:
شمالی کشمیر کے ضلع بارہمولہ میں پوٹکھاہ علاقے کے نزدیک بارہمولہ- سری نگر شاہراہ پر ہفتے کی صبح سیکورٹی فورسز نے ایک آئی ای ڈی بر آمد کی جس کو بعد میں ناکارہ بنا دیا گیا۔
سرکاری ذرائع نے بتایا کہ شمالی کشمیر کے بارہمولہ ضلع کے بلگام علاقے میں ٹائم پاس ہوٹل کے قریب کچھ مشکوک باکس، جس میں آئی ای ڈی رکھنے کا شبہ ہے ملا ہے، اطلاع ملتے ہی پولیس اور فوج کی 52 RR موقع پر پہنچی اور بعد میں بم ڈسپوزل اسکواڈ کو بلایا گیا۔ ایک پولیس افسر نے بتایا کہ بی ڈی ایس کام پر ہونے کے دوران علاقے میں ٹریفک کو معطل کر دیا گیا ہے۔
ان کا کہنا تھا کہ بعد میں بم ناکارہ بنانے والی ایک ٹیم نے اس آئی ای ڈی کو بغیر کوئی نقصان پہنچائے ناکارہ بنا دیا جس کے بعد شاہراہ پر ٹریفک کی نقل و حمل بحال کر دی گئی۔
