سرینگر،12جون:
جموں صوبہ کے سرحدی ضلع پونچھ میں ایل او سی کے قریب ہوئے ایک دھماکے میں دو فوجی اہلکار زخمی ہو گئے ہیں۔ ذرائع نے بتایا کہ سرحدی ضلع پونچھ کی تحصیل بالاکوٹ کی ایل او سی کے قریب ہوئے ایک بارودی سرنگ دھماکے میں کم از کم دو فوجی اہلکار زخمی ہو گئے ہیں۔
ذرائع کے مطابق فوجی اہلکار بالاکوٹ میں فوجی چوکی کے نزدیک گھاس و جھاڑیوں کی صفائی کررہے تھے، تبھی اچانک ہوئے دھماکے میں فوج کی 19کمان کے دو فوجی زخمی ہوگئے، جن کو ہیلی کاپٹر کے ذریعے ہسپتال منتقل کر دیا گیا جہاں پر ان کا علاج معالجہ جاری ہے۔ وہیں سکیورٹی فورسز اس معاملے کی جانچ کر رہی ہے۔
