سری نگر،13 جون :
کشمیر زون پولیس کے انسپکٹر جنرل وجے کمار کا کہنا ہے کہ سال رواں کے دوران اب تک مارے جانے والےایک سو جنگجوؤں میں سے سب سے زیادہ تعداد لشکر طیبہ نامی جنگجو تنظیم سے وابستہ جنگجوؤں کی تھی۔
انہوں نے کہا کہ سال گذشتہ اسی مدت کے دوران 50 جنگجو مارے گئے تھے۔
ان کا کہنا تھا کہ مہلوک سو جنگجوؤں میں سے 71 مقامی جبکہ29 غیر ملکی جنگجو شامل ہیں۔موصوف آئی جی پی نے یہ جانکاری پیر کو اپنے ایک ٹویٹ کے ذریعے فراہم کی۔
انہوں نے ٹویٹ میں کہا: ’سال2022 کے پانچ مہینوں اور بارہ دنوں میں مختلف تصادم آرائیوں کے دوران ایک سو جنگجو مارے گئے جن میں 71 مقامی جبکہ 29 غیر ملکی جنگجو شامل ہیں‘۔
ان کا ٹویٹ میں مزید کہنا تھا: ’سال گذشتہ یعنی2021 میں اسی مدت کے دوران50 جنگجو مارے گئے تھے جن میں 49 مقامی جبکہ ایک غیر ملکی جنگجو شامل تھا‘۔
مسٹر کمار نے اپنے ٹویٹ میں مزید کہا ہے کہ مہلوک جنگجوؤں میں سے سب سے زیادہ 63 جنگجو لشکر طیبہ سے وابستہ تھے جبکہ 24 کا تعلق جیش محمد نامی جنگجو تنظیم سے تھا۔
