کولگام،16جون:
جنوبی کشمیر کے کولگام ضلع کے چوگل پورہ علاقے میں دو گاڑیوں کے آپس میں ٹکرانے سے آٹھ نیم فوجی اہلکار اور ایک شہری زخمی ہوگئے۔
پولیس کے ایک اہلکار نے بتایا کہ سی آر پی ایف گاڑی زیر نمبر (HR55AE-2071) ایک آٹو لوڈ کیریئر زیر نمبر (JK18C-8341) سے ٹکرا گئی۔ حادثے میں اٹھ سی آر پی ایف اہلکار اور آٹو ڈرائیور زخمی ہوا ہے۔
زخمی سی آر پی ایف اہلکاروں کی شناخت سریندر سنگھ، کے ستیہ، کے مہا، رقیب الاسلام، راجندر، سی راما کرشنا، مشرام اروند، اے رجنی کے طور پر کی گئی ہے جب کہ شہری کی شناخت محمد اکبر کے طور پر کی گئی ہے۔ تمام زخمیوں کو علاج کے لیے ہسپتال منتقل کیا گیا جہاں ان کی حالت مستحکم بتائی جاتی ہے۔ وہیں پولیس نے واقعے کا نوٹس لیتے ہوئے تفتیش شروع کی۔
