سری نگر،21 جون :
شمالی کشمیر کے قصبہ سوپور کے تلہ بل علاقے میں سیکورٹی فورسز اور جنگجوؤں کے درمیان جاری تصادم آرائی کے دوران2 جنگجو مارے گئے ہیں۔
پولیس ذرائع نے بتایا کہ سیکورٹی فورسز نے مصدقہ اطلاع موصول ہونے کے بعد قصبہ سوپور کے تلہ بل علاقے کو محاصرے میں لے کر جنگجو مخالف آپریشن شروع کیا۔
انہوں نے بتایا کہ جونہی سیکورٹی فورسز کے اہلکاروں نے مشتبہ مقام کی اورپیش قدمی شروع کی تو وہاں پر موجود جنگجووں نے حفاظتی عملے پر اندھا دھند فائرنگ شروع کی۔اْن کے مطابق سیکورٹی فورسز نے بھی پوزیشن سنبھال کر جوابی کارروائی کا آغاز کیا جس دوران دو طرفہ گولیوں کا تبادلہ شروع ہوا۔
ادھر جنوبی کشمیر کےضلع پلوامہ کے تجن علاقے میں بھی سیکورٹی فورسز اور جنگجوؤں کے درمیان تصادم جاری ہے۔
پولیس ذرائع کے مطابق پلوامہ کے تجن علاقے میں دوران شب تصادم چھڑ گیا۔بتایا جاتا ہے کہ محاصرے میں البدر سے وابستہ جنگجو پھنسے ہوئے ہیں۔
