سرینگر،21جون:
آج دنیا بھر میں یوگا انٹرنیشنل ڈے منایا جارہا ہے۔ خصوصی طور پر بھارت میں اس کا خاص اہتمام کیا جارہا ہے۔ پوری دنیا کے ساتھ ساتھ سرینگر میں بھی یوگا کا عالمی دن منایا گیا۔ مرکزی زیر انتظام جموں و کشمیر کی گرمائی راجدہانی سرینگر میں آج 21 جون کی مناسبت سے پوری دنیا کے ساتھ ساتھ عالمی یوگا دن منایا گیا۔ اس سلسلے میں لیفٹننٹ گورنر منوج سنہا نے پروگرام کا باضابطہ طور پر سرینگر کے ایس کے آئی سی سی میں ساڑھے 5 بجے پروگرام کا آغاز کیا۔
خبر کے مطابق اس اثنا میں لوگوں کی ایک بڑی تعداد نے پروگرام میں شمولیت کی۔ اس اثنا میں لیفٹننٹ گورنر منوج سنہا نے اپنے خطاب میں کہا کہ یوگا منانے کا مقصد صرف یہی ہے کہ آج کے دور میں یوگا انسان کے لیے بہت ضروری ہے جس سے ہمیں روز مرہ زندگی میں صحت مند رہنے میں مدد ملے گی۔
واضح رہے کہ بھارت کی آیوش وزارت کے بیان کے مطابق "یوگا بھارت کی پانچ ہزار سالہ قدیم روایت ہے جو جسمانی، دماغی اور روحانی مشقوں کو یکجا کرکے جسم اور دماغ کے درمیان ربط پیدا کرتا ہے۔” حالیہ برسوں میں اور خاص طور پر کووڈ 19 کے پھیلاؤ کے بعد یوگا کو بہت زیادہ اپنایا گیا ہے۔ اسی سلسلے میں یوگا کے ماہر ڈاکٹر ہیمنت شرما نے کووڈ 19 سے صحتیاب ہونے کے بعد یوگا کے آسن اور اس دوران سانس لینے کے بارے میں مشورہ دیا۔
