سری نگر،06 جولائی:
جموں وکشمیر اور لداخ یونین ٹریٹری کے لئے بھارتی فوج میں بھرتی کے لئے منگل یعنی 5 جولائی سے رجسٹریشن کا باضابط طورپرآغاز ہو چکا ہے۔آرمی ریکروٹنگ آفس، سری نگر کی طرف سے بھرتی ریلی 17 ستمبر سے 30 ستمبر 2022 تک حیدربیگ،پٹن، جموں و کشمیر یو ٹی میں منعقد کی جائے گی۔
بھرتی ریلی اگنی پتھ اسکیم کے تحت اگنیویرز کے طور پر بھرتی کے لیے ہوگی۔یکم اکتوبر 1999 سے یکم اپریل 2005 (دونوں تاریخوں سمیت) کے درمیان پیدا ہونے والے تمام اہل غیر شادی شدہ مرد امیدوار مطلوبہ تعلیمی قابلیت کے ساتھ جن کا تعلق سری نگر، اننت ناگ، بارہمولہ، پلوامہ، بڈگام، کپواڑہ، شوپیاں، گاندربل، بانڈی پورہ، اور کولگام اضلاع سے ہے اور لداخ یوٹی کے لیہہ اور کرگل اضلاع سے تعلق رکھنے والے اگنیویرجنرل ڈیوٹی، اگنیویر ٹیکنیکل، اگنیویر کلرک/اسٹور کیپر ٹیکنیکل اور اگنیویر ٹریڈسمین کے زمرے کے تحت اندراج کے لیے درخواست دے سکتے ہیں۔
رجسٹریشن 05 جولائی 2022 سے 03 اگست 2022 تک ویب سائٹ www.joinindianarmy.nic.inپر آن لائن کھلا ہے۔
امیدواروں کو مشورہ دیا جاتا ہے کہ وہ جلد از جلد آن لائن اندراج کریں۔
آرمی ریکروٹنگ آفس، سری نگر نے کہا ہے کہ بھرتی ایک مفت سروس ہوگی اور انتخاب منصفانہ اور خالصتاً میرٹ پر مبنی ہوگا۔ کسی کو پیسے دینے کی ضرورت نہیں ہے۔ تفصیلات ای میل آئی ڈی – [email protected] اور لینڈ لائن نمبر 0194-2311282 اور 0194-2310164 پر حاصل کی جاسکتی ہیں۔
