گاندربل،14جولائی:
وادی کشمیر میں خراب موسمی صورتحال کے باعث ایک مرتبہ پھر امرناتھ یاترا کو عارضی طور پر روک دیا گیا ہے۔ ایک عہدیدار نے ای ٹی وی بھارت کو بتایا کہ امرناتھ یاترا کو دونوں روٹس – بال تل، گاندربل اور نونہ ون، پہلگام – سے عارضی طور پر معطل کر دیا گیا ہے۔ حکام کے مطابق موسم میں بہتری کے بعد ہی یاتریوں کو آگے بڑھنے کی اجازت دی جائے گی۔
شرائن بورڈ کے ایک اہلکار نے کہا کہ 3000 سے زیادہ یاتری اس وقت بال تل بیس کیمپ میں مقیم ہیں۔ اسکے علاوہ نونہ وَن بیس کیمپ میں بھی ہزاروں یاتریوں کو روک کر امرناتھ گپھا جانے سے اجازت نہیں دی جا رہی۔عہدیدار کے مطابق گزشتہ رات روکے گئے چھ سو غیر رجسٹرڈ یاتریوں اور سیاحوں کو بھی واپس روانہ کیا گیا۔
