سری نگر، 5 اگست :
آرٹیکل 370 کی منسوخی کی تیسری سالگرہ کے موقع پر، جموں و کشمیر کے لیفٹیننٹ گورنر منوج سنہا نے جمعہ کو کہا کہ جموں و کشمیر میں پچھلے تین سالوں میں بڑے پیمانے پر بہتری آئی ہے۔انہوں نے ملک بھر کے لوگوں کے درمیان اعتماد قائم کرنے کو سب سے بڑا انعام قرار دیا، اسی وجہ سے گزشتہ سات مہینوں میں جموں و کشمیر میں ایک کروڑ دس لاکھ سے زیادہ سیاحوں کی آمد ریکارڈ کی گئی۔
انہوں نے سری نگر میں نامہ نگاروں سے بات کرتے ہوئے کہا کہ ’’یہاں مکمل امن ہے اور جموں و کشمیر تیزی سے ترقی کی طرف گامزن ہے اور وزیر اعظم کی وجہ سے جموں و کشمیر نیا کشمیر بن رہا ہے‘‘۔
دریں اثنا، ایل جی نے آج کے اوائل میں نوگام میں 150 بستروں والے اُجالا سائگنس کشمیر سپر اسپیشلٹی ہسپتال کا بھی افتتاح کیا۔انہوں نے کہا، "تمام جدید طبی سہولیات سے آراستہ، نیا جدید ترین ہسپتال جموں و کشمیر کے لوگوں کو صحت کی معیاری خدمات کو یقینی بنانے کی حکومت کی کوششوں کو تقویت دے گا۔
