سرینگر، 05 اگست:
جنوبی کشمیر کے اننت ناگ ضلع کے ڈورو علاقے میں جمعہ کو ایک اسکارپیو گاڑی کی زد میں آکر ایک راہگیر کی موت ہو گئی۔پولیس کے ایک اہلکار نے بتایا کہ پیدل چلنے والے کی شناخت محمد رمضان شیرو ولد غلام محمد ساکن کپران کے طور پر ہوئی جب آج دوپہر مین بازار کپران کے قریب ایک اسکارپیو گاڑی نے اسے ٹکر مار دی۔
انہوں نے بتایا کہ انہیں فوری طور پر علاج کے لیے قریبی اسپتال لے جایا گیا، جہاں پہنچنے پر انہیں مردہ قرار دے دیا گیا۔ اہلکار نے بتایا کہ اس سلسلے میں ڈورو پولیس اسٹیشن میں سیکشن 279، 337 آئی پی سی کے تحت ایف آئی آر نمبر 78/2022 کے تحت ایک کیس درج کیا گیا ہے۔
