سرینگر،10اگست:
جموں و کشمیر میں اس سال انتخابات کے امکانات تقریباً ختم ہو چکے ہیں۔ کیونکہ ووٹر لسٹ کو حتمی شکل دینے کی مدت میں ایک ماہ کی توسیع کر دی گئی ہے یعنی اب فہرست 30 اکتوبر کے بجائے 25 نومبر کو شائع کی جائے گی۔ اس کے بعد ایک ماہ میں انتخابات کا انعقاد ممکن نہیں رہے گا۔ قواعد کے مطابق دعوے اور اعتراضات کے لیے ایک ماہ کا وقت ہے تاہم اس میں بھی 10 دن کی توسیع کی گئی ہے۔ یعنی اب اعتراضات کے لیے 40 دن ہوں گے۔ یہ 10 نومبر تک طے پا جائیں گے۔
اس کے بعد حتمی ووٹر لسٹ 25 نومبر کو شائع کی جائے گی۔سی این آئی کے مطابق جموں و کشمیر میں اس سال انتخابات کے امکانات تقریباً ختم ہو چکے ہیں۔ کیونکہ ووٹر لسٹ کو حتمی شکل دینے کی مدت میں ایک ماہ کی توسیع کر دی گئی ہے یعنی اب فہرست 30 اکتوبر کے بجائے 25 نومبر کو شائع کی جائے گی۔ اس کے بعد ایک ماہ میں انتخابات کا انعقاد ممکن نہیں رہے گا۔
تین سال بعد نئی انتخابی فہرستوں کی تیاری کے کام میں بھی 15 دن کی توسیع کر دی گئی ہے۔ اس سے پہلے یکم ستمبر سے 18 سال کی عمر مکمل کرنے والے نوجوانوں کو ووٹر بننے کا موقع مل رہا تھا لیکن اب اسے 15 ستمبر تک بڑھا دیا گیا ہے۔
یہ نوٹیفکیشن منگل کی رات دیر گئے چیف الیکٹورل آفیسر (سی ای او) کے دفتر نے جاری کیا ہے۔حکم نامے کے مطابق یکم اکتوبر 2022 کو یا اس سے پہلے 18 سال کی عمر مکمل کرنے والوں کو ووٹر بننے کا موقع ملے گا۔
حد بندی اور کورونا کی وجہ سے جموں و کشمیر میں نئے ووٹر بننے کا کام تین سال سے روک دیا گیا تھا۔ سی ای او کے دفتر سے جاری حکم نامے کے مطابق مجوزہ ووٹر لسٹ 15 ستمبر کو شائع کی جائے گی۔ اس دن سے نئے ووٹرز کے اندراج کا کام بھی شروع ہو جائے گا۔ 15 سے 25 اکتوبر تک دعوے اور اعتراضات دائر کیے جاسکتے ہیں۔
