سرینگر/12اگست:
جموں و کشمیر کے لیفٹیننٹ گورنر منوج سنہا نے جمعہ کی صبح راج بھون میں سالانہ امرناتھ یاترا کی ‘ ’سماپن پوجا ‘ ‘ کی۔سنہا نے مذہبی بھجن اور منتروں کے جاپ کے درمیان لوگوں کی امن، ترقی اور خوشحالی کے لیے دعا کی۔
انہوں نے کہا، میں یاتریوں کے لیے اس مشکل یاترا کو پریشانی سے پاک بنانے کے لیے تمام اسٹیک ہولڈرز اور شہریوں کے بے لوث تعاون کی واقعی تعریف کرتا ہوں اور سراہتا ہوں۔انہوں نے کہا کہ یاترا 29 جون کو جموں سے سنٹرل ریزرو پولیس فورس ، فوج اور مقامی پولیس کے سخت حفاظتی انتظامات کے درمیان شروع ہوئی تھی۔ بادل پھٹنے کے واقعے کے بعد امرناتھ یاترا کو جزوی طور پر روک دیا گیا اور یاتریوں کو بالتل بیس کیمپ پر رکنے کو کہا گیا۔
یہ 11 جولائی کو ننوان پہلگام کی طرف سے دوبارہ شروع ہوئی پچھلے مہینے وزیر مملکت برائے داخلہ (ایم او ایس) نتیا نند رائے نے لوک سبھا کو مطلع کیا تھا کہ سیلاب کی وجہ سے کم از کم 15 لوگوں کی موت ہوئی ہے، لیکن جولائی 2022 میں امرناتھ یاترا کے دوران کسی بھی شخص کے لاپتہ ہونے کی اطلاع نہیں ہے۔
ایک سوال کا جواب دیتے ہوئے بی جے پی کے رکن پارلیمنٹ نیرج شیکھر نے جولائی 2022 میں امرناتھ یاترا کے دوران سیلاب کی وجہ سے اپنی جانیں گنوانے والے یاتریوں کی تعداد کے بارے میں،وزیر مملکت رائے نے بتایا، "جموں و کشمیر حکومت کی طرف سے فراہم کردہ معلومات کے مطابق، سیلاب کی وجہ سے 15 افراد کی جانیں گئیں۔ لیکن کسی بھی شخص کے لاپتہ ہونے کی اطلاع نہیں ہے۔
رائے نے مزید کہا کہ سرکاری ایجنسیوں جیسے نیشنل ڈیزاسٹر ریسپانس فورس (این ڈی آر ایف)، اسٹیٹ ڈیزاسٹر ریسپانس فورس (ایس ڈی آر ایف)، فوج، سینٹرل آرمڈ پولیس فورس (سی اے پی ایف) اور یو ٹی حکومت کے اہلکاروں کو یاتریوں کی تلاش، بچاو اور راحت کے لیے تعینات کیا گیا تھا۔
