جموں، 24 ستمبر:
جموں و کشمیر میں گزشتہ 24 گھنٹوں کے دوران موسم جزوی طور ابر آلودہ رہا۔ صوبہ جموں کے پہاڑی ضلع علاقوں میں ہلکی بارش ہونے سے موسم خوشگوار ہو گیا ہے اور صبح شام سردی محسوس ہو رہی ہے۔وہیں محکمہ موسمیات نے ہفتہ کو اگلے چوبیس گھنٹوں کے دوران جموں و کشمیر میں جزوی طور پر مطلع ابر آلود رہنے اور ہلکی بارش کی پیشن گوئی کی ہے۔
محکمہ موسمیات کے ایک عہدیدار نے بتایا کہ آئندہ 24 گھنٹوں کے دوران جموں و کشمیر میں ہلکی بارش کے امکان کے ساتھ جزوی طور پر ابر آلود آسمانرہے گا۔ اس دوران سرینگر میں آج صبح کم سے کم درجہ حرارت 16.6 ڈگری سیلسیس، پہلگام میں 10.8 اور گلمرگ میں 8 ڈگری سیلسیس ریکارڈ کیا گیا۔ لداخ خطہ کے دراس قصبے میں 7.4، کارگل میں 10.8 اور لیہہ میں 9 ڈگری سیلسیس درج کیا گیا جبکہ جموں میں 22.4 ڈگری، کٹرہ میں 21.2، بٹوت میں 16.3، بانہال میں 15 اور بھدرواہ میں 15.8 ڈگری سیلسیس ریکارڈ کیا گیا ۔
