جموں ،02 اکتوبر:
جموں وکشمیر کے ادھمپور بس اسٹینڈ میں دو گاڑیوں میں نا معلوم دھماکے سے پورے شہر میں دہشت پھیل گئی تھی اور دھماکے کے بعد ہی پورے جموں وکشمیر میں سیکورٹی فورسز کو ہائی الرٹ رکھا گیا ہے۔ ادھمپور دھماکے کے بعد کشتواڑ کے بس اسٹینڈ میں بھی کشتواڑ پولیس اور سی آر پی ایف نے تلاشی مہم شروع کی اور موقع پر ڈپٹی ایس پی سپرنٹنڈنٹ ہیڈ کوارٹر اشیش گپتا ، ایس ایچ او کشتواڑ عابد بخاری نے ڈرون کی تعیناتی کے ساتھ ایک میٹنگ بھی طلب کی۔
[میٹنگ میں ڈرائیوروں کو کو اسٹیکی بمب کے بارے میں جانکاری دی گئی اور ساتھ میں گاڑی میں سواریوں پر بھی نظر رکھنے پر زور دیا گیا۔ اس دوران کشتواڑ کی عوام سے بھی اپیل کی گئی ہے کہ وہ پولیس کا تعاون کریں اور جو بھی شرارت پسند عناصر ہیں اور کشتواڑ کا ماحول خراب کرنے کی سازش کر رہے ہیں، ان پر سخت نظر رکھنے کی ضرورت ہے۔
