جموں ، 4 اکتوبر :
حکام نے شرپسندوں کی طرف سے انٹرنیٹ کے غلط استعمال کے خدشے کے پیش نظر جموں اور راجوری اضلاع کے کچھ حصوں میں منگل کی صبح شام پانچ بجے تک موبائل انٹرنیٹ خدمات معطل کرنے کا فیصلہ کیا ہے۔ انٹرنیٹ خدمات کی عارضی معطلی اس وقت ہوئی جب مرکزی وزیر داخلہ امت شاہ جموں و کشمیر کے راجوری علاقے کے دورے پر ہیں۔
اے ڈی جی پی، جموں زون نے ٹیلی کام سروسز کی عارضی معطلی (عوامی ایمرجنسی یا پبلک سیفٹی) رولز، 2017 کے تحت مجاز افسر ہونے کے ناطے، ٹیلی کام سروس پرووائیڈرز (ٹی ایس پیز) انٹرنیٹ سروس پرووائیڈرز (آئی ایس پیز) کو معطل کرنے کی ہدایات جاری کی ہیں۔ ایک حکم نامے کے مطابق انٹرنیٹ خدمات راجوری کے چند علاقوں میں عارضی طور پر معطل کی گئ ہیں ۔انٹرنیٹ پر عائد عارضی بندشیں جموں اور راجوری میں ڈیڈھ کلو میٹر کے مخصوص علاقے تک جاری رہیں گی ۔
