سری نگر، 05 اکتوبر:
مرکزی وزیر داخلہ امت شاہ نے بدھ کو سری نگر کے ریناواڑی علاقے میں گرودوارہ چھٹی پاتشاہی کا دورہ کیا۔ ایک اہلکار نے بتایا کہ شاہ، جو جموں و کشمیر کے 3 روزہ دورے پر ہیں، نے گرودوارہ چھٹی پاتشاہی میں سجدہ کیا۔
انہوں نے کہا کہ شاہ کے ساتھ جموں و کشمیر کے ایل جی منوج سنہا اور دیگر سینئر عہدیداروں کے علاوہ بی جے پی کے کئی سینئر قائدین بھی تھے۔ قبل ازیں شاہ نے شمالی کشمیر کے بارہمولہ ضلع میں ایک عظیم عوامی ریلی سے خطاب کیا اور بعد میں انہوں نے اڑی میں مقتول پولیس اہلکار کے اہل خانہ سے بھی ملاقات کی۔
