کشتواڑ/23؍اکتوبر:
سائنس ، ٹیکنالوجی اینڈ اَرتھ سائنسز اور وزیر اعظم کے دفتر میں مرکزی وزیر مملکت ڈاکٹر جتندر سنگھ نے آج ضلع کشتواڑ میں عملانے والی مختلف مرکزی معاونت والی سکیموں کی پیش رفت کا جائزہ لینے کے لئے ڈسٹرکٹ ڈیولپمنٹ کوآرڈی نیشن اینڈ مانیٹرنگ کمیٹی ( ڈی آئی ایس ایچ اے ) میٹنگ کی صدارت کی۔
میٹنگ میں چیئرپرسن ڈی ڈی سی پوجا ٹھاکر ، صدر میونسپل کونسل کشتواڑ سجاد احمد نجار ، ضلع ترقیاتی کمشنر کشتواڑ ڈاکٹر دیو نش یادو ، بی ڈی سی چیئر پرسنوں ، ڈی ڈی سی ممبران اور ڈیشا کمیٹی کے نامزد ممبران کے علاوہ مختلف محکمہ کے ضلعی اور سیکٹورل اَفسران نے شرکت کی۔ضلع ترقیاتی کمشنر نے مختلف مرکزی معاونت والی سکیموں کے تحت حصولیابیوں اور پیش رفت کے علاوہ ضلع میں مختلف محکموں اور ایجنسیوں سے چلائے جانے والے مختلف آئی کانِک اور ترقیاتی پروجیکٹوں کے بارے میں پاور پوائنٹ پرزنٹیشن پیش کی۔ضلع ترقیاتی کمشنر نے چیئر مین کوبتایا کہ مختلف مرکزی معاونت والی سکیموں کے تحت کئے گئے کاموں کی بڑی تعداد مکمل ہوچکی ہے اور ضلع میں باقی کام تکمیل کے مختلف مراحل میں ہیں۔اِس کے علاوہ ضلع ترقیاتی کمشنر کشتواڑ نے ’ ڈی آئی ایس ایچ اے ‘ کی گذشتہ میٹنگ میں اُجاگر کئے گئے مختلف مسائل کی کارروائی کی رِپورٹ کے بارے میں تفصیل دی۔مرکزی وزارتِ شہری ہوا بازی کے تحت اُٹھائے گئے فضائی پٹی کے بارے میں دریافت کرنے پر ضلع ترقیاتی کمشنر نے بتایا کہ پروجیکٹ کی مختلف کوڈل فار ملٹیز مکمل ہوچکی ہیں اور اِس پروجیکٹ کو حتمی شکل دی جائے گی۔مرکزی وزیر مملکت نے ٹیکنیکل ٹیم کے دورہ کے اِنعقاد کے لئے متعلقہ اِداروں سے اشتراک کی درخواست کی تاکہ قومی اہمیت کے مذکورہ پروجیکٹ پر جلد کام شروع کیا جاسکے۔ڈاکٹر جتندر سنگھ نے ضلع کشتواڑ کے سیکٹر وار پیش رفت کا جائزہ لیتے ہوئے اِنتظامیہ پر زور دیا کہ وہ ضلع میں سیاحتی شعبے کی ترقی کو فروغ دے ۔
اُنہوں نے سیاحت کے ممکنہ شعبوں جیسے مذہبی سیاحت ، ٹریکنگ اور کوہ پیمائی ، ایڈونچر ٹوراِزم اور ضلع میں کیمپنگ سائٹس کی اَپ گریڈیشن پر توجہ مرکوزکرنے پر زور دیا تاکہ ضلع میں زیادہ سیاحوں کوراغب کیا جاسکے۔اُنہوں نے ماچھیل اور سرتھل کے علاقوں کو ترجیحی بنیادوں پر ٹوراِزم سرکٹ کے تحت لانے اور نوجوانوں کے وسیع تر فائدے کے لئے سیاحتی شعبے کو مشن یوتھ سکیموں سے منسلک کرنے پر زور دیا۔
مرکزی وزیر مملکت نے میٹنگ میں بات کرتے ہوئے یہ بھی اعادہ کیا کہ کشتواڑ ضلع 5بڑے آنے والے ہائیڈرو لیکٹرک پاور پروجیکٹوں کا ایک مرکز ہے جس میں بجلی پیدا کرنے کی بڑی صلاحیت ہے جو آنے والے وقت میں جموںوکشمیر یوٹی اور ملک میں بجلی شعبے کی ضروریات کو پورا کرنے کی بڑی صلاحیت ہوسکتی ہے ۔ اُنہوں نے مزیدکہا کہ سولر اَنرجی کے اِستعمال سے ضلع کے دُور دراز علاقوں میں بجلی کی ضروریات میں مزید اِضافہ ہوگا۔
ضلع ترقیاتی کمشنر کشتواڑ نے انہیں جانکاری دی کہ اِس سلسلے میں پڈر کے ماچھیل علاقے میں 1ایم وِی اے سولر پلانٹ کی تنصیب کی تجویز ہے۔
ڈاکٹر جتندر سنگھ نے جیکیڈا کے تعاون سے مذکورہ پروجیکٹ کے لئے 40کنال اَراضی کی نشاندہی کے عمل کو تیز کرنے کی ہدایت دی۔اِس دوران ضلع ترقیاتی کمشنر نے مرکزی وزیر مملکت کو جل جیون مشن کی صورتحال سے آگاہ کرتے ہوئے بتایا کہ 129 کاموں میں سے تمام 128 سکیموں کے کاموںکو ٹینڈر کیا جاچکا ہے۔
ڈاکٹرجتندر سنگھ نے جے جے ایم کے کاموں کی سست رفتاری کا نوٹس لیتے ہوئے متعلقہ عمل آوری ایجنسیوں کو ہدایت دی کہ وہ کاموں کی رفتار کو تیز کریں اور ٹھوس کوششیں کریں تاکہ گھریلو نل کے پانی کے فعال کنکشن فراہم کر کے ’’ ہر گھر نل سے جل‘‘ کے مقصد کو حاصل کیا جاسکے ۔
اُنہوں نے مختلف محکموں سے شروع کئے گئے پروجیکٹوں کا سکیم وار جائزہ لیتے ہوئے لوگوں کی اہمیت کے حامل پروجیکٹوں کو مقررہ مدت میں مکمل کرنے پر زور دیا۔ اُنہوں نے منتخب پی آر آئی پر زور دیا کہ وہ مطلوبہ ترقیاتی نتائج حاصل کرنے کے لئے اِنتظامیہ کے ساتھ مل کر کام کریں۔
دریں اثنا، مرکزی وزیر مملکت نے مرکزی معاونت والی سکیموں بشمول پی ایم جی ایس وائی ، منریگا ،پی ایم اے وائی ۔ جی ، پی ایم اے وائی ۔ جی ( پلس آواس) ، امرت سروور ، ایس بی ایم (جی)کی طبعی اور مالی حصولیابیوں اور اِس کے علاوہ صحت زراعت ، سکول کے تحت سکیم اور روزگار وغیرہ کا ایک جامع جائزہ لیا ۔
ڈاکٹر جتندر سنگھ نے زیر تکمیل سڑک کے کاموں پر تبادلہ خیال کرتے ہوئے سرتھل روڈ پر میکڈیمائزیشن اور کشتواڑ۔ پالمار۔ ڈانگڈوروروڈکو چوڑا اور اَپ گریڈ کرنے سمیت پروجیکٹوں کی تازہ ترین صورتحال کا جائزہ لیا۔
ڈاکٹر جتندر سنگھ کو نازک علاقوں کے مسائل بشمول پڈر میں کنڈھیل پُل کی دوبارہ تعمیر ، مڑوہ ڈویژن کے لئے الگ پاور گرڈ، آیوش ہسپتال کشتواڑ کی مالی پریشانی ، مختلف محکموں بالخصوص صحت میں عملے کی کمی ،ہنزر کلائوڈ پھٹنے کی شکایات ، متاثرہ کنبے ، مڑوہ اور وروان میں ٹیلی کمیونیکیشن ، زیر تعمیر ٹی آر سی ۔سرکوٹ لنک روڈ کی دوبارہ آباد کاری سے بھی آگاہ کیا گیا ۔
مرکزی وزیر مملکت ڈاکٹر جتندر سنگھ نے ان مسائل کے فوری حل کے لئے متعلقہ حکام کو ضروری ہدایات دیں۔ڈاکٹر جتندر سنگھ نے متعلقہ اَفسران سے کہاکہ وہ آئی اے وائی اور آیوشمان ۔ صحت کے تحت استفادہ کنندگان کی صدفیصد کوریج کو یقینی بنائیں۔ پی آر آئی سے کہا گیا ہے کہ وہ اِس بات کو یقینی بنائیں کہ تمام مستحق اَفراد ان سکیموں کا فائدہ حاصل کریں۔
مرکزی وزیر مملکت نے آئی آئی آئی ایم جموں کے تعاون سے ضلع میں آرومامشن کے تحت لیوینڈر کی کاشت کی صلاحیت سے فائدہ اُٹھانے کے اِمکانات کو تلاش کرنے پر بھی زور دیا اور ضلع میں زعفران پارک کی ترقی پر بھی توجہ مرکوز کی جو کسانوں کی آمدنی کو دوگنا کرنے میں مدد گار ثابت ہوسکتا ہے۔چیئرپرسن ڈی ڈی سی نے دیگر پی آر آئی کے ساتھ پی ایم جی ایس وائی روڈ کے تحت زمین کے معاوضے ، پالمار اور پڈر میں نئے منظور شدہ کیندر یہ ودھیالیوں کے کھولنے اور تکمیل کے مسائل کے علاوہ دیگر اَمور پر بھی روشنی ڈالی ۔
مرکزی وزیر مملکت نے اُنہیں یقین دِلایا کہ ان مسائل کو ترجیحی بنیادوں پر مقرر ہ وقت میں حل کیا جائے گا۔
اِس سے قبل مرکزی وزیر مملکت موصوف نے یہاں ڈی سی آفس کمپلیکس کشتواڑ میں مشن یوتھ کی ’’ ممکن ‘‘ سکیم کے تحت استفادہ کنندگان کو کمرشل گاڑیوں کی چابیاں حوالے کیں۔ اِس کے علاوہ ضلع سوشل ویلفیئر ڈیپارٹمنٹ کشتواڑ کے زیر اہتمام جسمانی طور خاص اَفراد کو موٹر ائز ڈ ٹرائی سائیکل تقسیم کی گئی۔دریں اثنا مرکزی وزیر مملکت موصوف نے مختلف سرکاری معاونت والی سکیموں اور شناخت شدہ ٹی بی کے مریضوں کے لئے ’’ نکشے پوشن یوجنا‘‘ کے تحت مستفید ہونے والوں کو منظوری نامے دئیے۔
