سرینگر،27اکتوبر:
وزیر دفاع راجناتھ سنگھ آج سے دو روزہ کشمیر کے پر ہیں۔ اس دوران وہ بڈگام میں انفنٹری ڈے اور سرینگر میں شوریہ دِیوَس کی تقریب میں شرکت کرنے کے ساتھ سرحدی علاقوں کا دورہ کریں گے۔ راجناتھ سنگھ جموں و کشمیر کے لیفٹیننٹ گورنر منوج سنہا کے ہمراہ بڈگام کے ائیر فورس اسٹیشن پہنچ چکے ہیں۔ آج 27 اکتوبر ہے اور آج ہی کے دن سنہ 1947 میں ایکسیشن(الحاق) کے بعد بھارتی فوج کشمیر آئی تھی۔ افسران کے مطابق وزیر دفاع راجناتھ سنگھ بڈگام میں تعینات فوجیوں اور بھارتی فوجی اہلکاروں سے ملاقات کریں گے اور شہید جوانوں کو خراج عقیدت بھی پیش کریں گے۔ وہیں اس موقع پر 1947 میں ہوئے واقعات کو تصویریں کے ذریعہ دکھایا جائے گا۔ واضح رہے کہ راجناتھ سنگھ آج سے جموں کشمیر اور لداخ کے دو روزہ دورے پر ہیں۔
مرکزی وزیر دفاع راج ناتھ سنگھ آج 27 اکتوبر کے روز وادی کشمیر کے دورے پر ہیں یہ ان کے دو روزہ دورے کا پہلا دن ہے۔ ذرائع کے مطابق دورے کے دوران وزیر دفاع وسطی کشمیر کے ضلع بڈگام میں انفنٹری ڈے اور شوریہ دیوس کی تقریب میں شرکت کریں گے۔ ذرائع نے مزید بتایا کہ وزیر دفاع سرحدی علاقوں کا بھی دورہ کریں گے اور وہاں پر لائن آف کنٹرول (ایل او سی) کی تازہ ترین صورتحال کا بھی جائزہ لیں گے۔
معلوم ہوا ہے کہ انفنٹری تقریب میں جموں و کشمیر کے لیفٹیننٹ گورنر منوج سنہا، چیف آف ڈی ڈیفنس اسٹاف جنرل انل چوہان، جنرل آفیسر کمانڈنگ ان چیف شمالی کمان لیفٹیننٹ جنرل اوپندر دیوی کے علاوہ دیگر سینیئر افسران بھی شرکت کر رہے ہیں۔ اس تقریب کے بعد وزیر دفاع بادامی باغ کنٹونمنٹ سرینگر میں کشمیر کی سکیورٹی صورتحال کا جائزہ لیں گے۔ وزیر دفاع ڈیوٹی کے دوران ہلاک ہوئے کشمیری فوجی جوانوں کے اہل خانہ سے بھی ملاقات کریں گے۔
وزیر دفاع 28 اکتوبر کو ممکنہ طور پر لداخ کا بھی دورہ کریں گے اور وہاں پر چین کے ساتھ لگنے والی صورتحال کے بارے میں سینیئر فوجی آفیسران کے ساتھ تبادلہ خیال کریں گے۔ Rajnath Singh To Visit Ladakh واضح رہے کہ امسال جون مہینے کی 16 تاریخ کو وزیر دفاع راجناتھ سنگھ کشمیر دو روزہ دورے پر گئے تھے۔ اس دوران انہوں نے فارورڈ علاقوں کا دورہ کیا تھا اور وہاں تعینات فوجیوں سے گفتگو بھی کی تھی۔ وزیر دفاع نے 17 جون کو جموں میں مہاراجہ گلاب سنگھ کی 200 سالگرہ میں شرکت کی تھی۔
