جموں 17 نومبر :
لیفٹیننٹ گورنرمنوج سنہا نے آج سکاسٹ جموں کے زیر اہتمام کسان میلے کا افتتاح کیا ۔ یونیورسٹی کے بابا جیتو آڈیٹوریم میں ملک بھر کے کسانوں اور ماہرین زراعت کے اجتماع سے خطاب کرتے ہوئے لفٹینٹ گورنر نے کہا کہ کسانوں ، صنعتوں ، تاجروں ، ماہرین کی پانچ روزہ اسمبلی کاشتکاری برادری کو فائدہ پہنچانے کیلئے مختلف اسٹیک ہولڈرز کے درمیان روابط کو فروغ دینے میں مدد ملے گی ۔ اس بات پر زور دیتے ہوئے کہ زراعت اور کسان حکومت کی اولین ترجیح ہیں ، لفٹینٹ گورنر نے کہا گذشتہ دو برسوں میں کسانوں کی آمدنی میں اضافہ ، خوراک کی حفاظت کو یقینی بنانے اور یو ٹی کی اقتصادیات کو تیز کرنے کیلئے جموں و کشمیر کے زرعی اور اس سے منسلک شعبوں کو تبدیل کرنے کیلئے ایک ساز گار ماحول بنایا گیا ہے ۔
لیفٹیننٹ گورنرنے کہا کہ کسان میلہ زراعت میں تنوع کے موضوع کی نمائش اور غور و خوض کرے گا جو نہ صرف ہماری کاشتکار برادری کیلئے یقینی آمدنی کیلئے اہم ہے بلکہ مستقبل میں زرعی نظام کو مزید پائیدار بنانے میں بھی اہم ہے ۔ چھوٹے اور درمیانے درجے کے فارموں کیلئے مستقبل کی حکمت عملی مرتب کرنے کیلئے اعلیٰ کمیٹی کی تعریف کرتے ہوئے فارم کے ان پُٹ کی کم لاگت کے ساتھ زیادہ منافع بخش منڈیوں تک رسائی کو یقینی بنانے کیلئے لفٹینٹ گورنر نے کہا کہ ہمہ گیر ترقی کا مقصد آئی ٹی مداخلتوں ، سرمائے کی سرمایہ کاری ، قدر میں اضافہ ، زرعی پیداوار کی پروسیسنگ ، برانڈنگ اور مارکیٹنگ جو کہ روز گار پیدا کرنے کیلئے زرعی کاروباری اختراعات سے تعاون یافتہ ہے ۔
لیفٹیننٹ گورنر نے مزید کہا کہ عزت مآب وزیر اعظم نے اپیکس کمیٹی کی تجویز کردہ سفارشات اور پروجیکٹوں کو لاگو کرنے میں مرکزی حکومت سے ہر ممکن تعاون اور حمایت کا یقین دلایا ہے ۔ اس موقع پر لفٹینٹ گورنر نے رام بن اور کشتواڑ اضلاع کے کرشی وگیان کیندروں کے کام کا عملی طور پر آغاز کیا ۔
لفٹینٹ گورنر نے کہا کہ آج رام بن اور کشتواڑ میں کرشی وگیان کیندروں کے آپریشنل ہونے کے ساتھ ہی جموں ڈویژن کے تمام اضلاع میں اب معیاری تحقیق کرنے اور توسیعی خدمات کو یقینی بنانے کیلئے فعال KVKs موجود ہیں ۔ لفٹینٹ گورنر نے مزید کہا کہ خوراک اور صنعت کیلئے حیاتیاتی وسائل کے موثر استعمال پر توجہ دینے کے ساتھ ہمارا مربوط نقطہ نظر عالمگیریت اور موسمیاتی تبدیلیوں سے پیدا ہونے والے چیلنجوں سے نمٹنے کے قابل ہو گا ۔
انہوں نے مزید کہا کہ ہم ماحولیاتی نظام کی خدمات اور حیاتیاتی تنوع کی بحالی اور پائیدار استعمال پر زور دیتے ہوئے زراعت کو پائیدار تجارتی زرعی معیشت میں تبدیل کرنے کیلئے پرعزم ہیں ۔
قبل ازیں لفٹینٹ گورنر نے ٹگ آف وار مقابلہ شروع کر کے دیہی کھیلوں کا افتتاح کیا ۔ انہوں نے کاشتکاروں کے فائدے کیلئے سکاسٹ جموں ، سرکاری محکموں ، ایف پی اوز ، سٹارٹ اپس اور مقامی زرعی صنعت کاروں کی طرف سے لگائے گئے اسٹالوں کا بھی معائینہ کیا ۔
ایڈیشنل چیف سیکرٹری محکمہ زراعت پیداوار مسٹر اتل ڈولو نے زراعت اور اس سے منسلک شعبے کی ہمہ جہت ترقی کے طریقوں اور حکمت عملی پر روشنی ڈالی اور کسانوں کی زندگیوں کو ہنر مندی کی نشو و نما اور دیگر سرشار اقدامات سے بدلنے پر روشنی ڈالی ۔ اپنے خطبہ استقبالیہ میں وائس چانسلر سکاسٹ جموں پروفیسر جے پی شرما نے کہا کہ جموں و کشمیر ہر میدان میں ترقی کر رہا ہے اور اپنی بے مثال کامیابیوں کی وجہ سے قومی اور بین الاقوامی سرخیوں میں نمایاں ہے ۔ پروگرام کے دوران ترقی پسند کسانوں ، اسٹارٹ اپس اور بہترین کمیونٹی پونڈ ڈویلپرز کو بھی نوازا گیا ۔ اس موقع پر سابق ایڈیشنل ڈائریکٹر ڈی آر ڈی او نئی دہلی ڈاکٹر سمتی شرما ، ڈپٹی مئیر جے ایم سی مسٹر بلدیو بلوریہ ، ڈائریکٹر آئی سی اے آر ۔ اے ٹی اے آر آئی ڈاکٹر راجبیر سنگھ ، ڈی سی جموں محترمہ اونی لواسا ، ڈی ڈی سی ممبران ، ایچ او ڈیز ، فیکلٹی ممبران ، ملک بھر سے کسان اور طلباء موجود تھے ۔
