جموں،3 دسمبر:
جموں و کشمیر اور لداخ میں گزشتہ 24 گھنٹوں کے دوران جزوی طور پر ابر آلود آسمان کے ساتھ موسم سرد اور خشک رہا۔ وہیں محکمہ موسمیات کے ایک اہلکار نے کہا کہ اگلے 24 گھنٹوں کے دوران بھی یہی حالات رہیں گے۔
محکمہ موسمیات کے مطابق آئندہ 24 گھنٹوں کے دوران جموں و کشمیر اور لداخ میں جزوی طور پر ابر آلود آسمان کے ساتھ خشک، سرد موسم کی توقع ہے۔ اس دوران سری نگر میں ہفتہ کو کم سے کم درجہ حرارت منفی 1.9ڈگری سیلسیس، پہلگام میں منفی 2.8 اور گلمرگ میں منفی 2 ڈگری سیلسیس درج کیا گیا۔ لداخ کے دراس شہر میں کم سے کم درجہ حرارت منفی 4، کرگل میں منفی 10.4 اور لیہہ میں منفی 5.4 ڈگری سیلسیس درج کیا گیا جبکہ جموں میں کم سے کم درجہ حرارت 10.5 ڈگری سیلسیس، کٹرا میں 9.2، بٹوت میں 4.2، بانہال میں 0.4 اور بھدرواہ میں 1.8 ڈگری سیلسیس درج کیا گیا۔
