سری نگر،5 دسمبر :
سری نگر میونسپل کارپوریشن (ایس ایم سی) کے کمشنربشیر احمد بٹ کا کہنا ہے کہ ممکنہ برف باری کے پیش نظر ایس ایم سی نے تمام تر انتظامات کئے ہیں۔
انہوں نے کہا کہ ہمارے پاس پہلے ہی برف ہٹانے کے لئے چالیس مشینیں موجود ہیں اور ہم مزید چالیس میشنوں کو نصب کر رہے ہیں۔
موصوف کمشنر نے ان باتوں کا اظہار پیر کو یہاں نامہ نگاروں کے سوالوں کا جواب دینے کے دوران کیا۔
انہوں نے کہا: ’برف صاف کرنے کے لئے ہم تیار ہیں، ہمارے پاس پہلے ہی چالیس مشینیں ہیں اور ہم مزید چالیس مشینوں کو تعینات کر رہے ہیں‘۔ان کا کہنا تھا کہ ہم نے ممکنہ برف باری کے پیش نظر تمام تیاریاں کی ہیں۔مسٹر بٹ نے کہا کہ ہر سال وارڈ کے لحاظ سے ایکشن پلان بنایا جا تا ہے۔انہوں نے کہا کہ سال گذشتہ بھی فوری طور برف کو سڑکوں سے صاف کیا گیا تھا۔بتادیں کہ محکمہ موسمیات نے وادی کشمیر میں 9 دسمبر کی شام سے 10 دسمبر کی شام تک برف باری کی پیش گوئی کی ہے۔
