سری نگر،13 دسمبر :
شمالی کشمیر کے ضلع بارہمولہ کے سوپور قصبے میں سیکورٹی فورسز نے منگل کی صبح سڑک کے کنارے ایک آئی ای ڈی پائی جس کو بعد میں بغیر کوئی نقصان پہنچائے ناکارہ بنا دیا گیا۔
سرکاری ذرائع نے بتایا کہ سیکورٹی فورسز کی ایک روڈ اوپنگ پارٹی نے منگل کی صبح سوپور کے تلہ بل علاقے میں امر گڑھ کراسنگ کے نزدیک ایک آئی ای ڈی دیکھی۔
انہوں نے کہا کہ پولیس، فوج کی 52 آر آر اور سی آْر پی ایف کی ایک ٹیم جائے موقع پر پہنچ گئی ہے اور اس دھماکہ خیز مواد کو ناکارہ بنانے کے لئے بم ناکارہ بنانےوالی ایک ٹیم کو جائے موقع پر طلب کیا گیا ہے۔
ان کا کہنا تھا کہ بعد ازاں بی ڈی ایس کی ایک ٹیم نے اس دھماکہ خیز مواد کو بغیر کوئی نقصان پہنچائے ناکارہ بنا دیا۔
