سرینگر/09مارچ:
جنوبی کشمیر کے ضلع اننت ناگ کے بدسگام علاقے میں بجلی کی ترسیلی لائن مقامی لوگوں کیلئے خطرہ بن چکی ہے۔ سی این آئی نمائندے امان ملک کے مطابق اننت ناگ کے اچھبل میں قائم آرہامہ سے بدسگام علاقہ میں بجلی کی گیارہ ہزار ترسیلی لائنز سیب کے درختوں کے ساتھ ہی ہے جس سے لوگوں کیلئے خطرہ لاحق ہے۔
مقامی لوگوں کے مطابق ا نہیں ہمیشہ جان و مال کا خطرہ لاحق ہوتا ہے۔ لوگوں کا کہنا ہے کہ تھوڑی سی بارش، یا تیز آندھی آنے کی وجہ سے یہ ترسیلی لائنز سیب کے درختوں کے ساتھ ٹکراتی ہے جس کی وجہ سے مقامی آبادی میں خوف و دہشت میں رہتے ہیں۔نمائند ے سے بات کرتے ہوئے آرہامہ بدسگام اچھ بل اننت ناگ علاقے کے ایک شہری گلزار احمد زاگو نے نمایندے امان ملک کو بتایا کہ تھوڑی سی بارش، یا تیز آندھی آنے کی وجہ سے یہ گیارہ ہزار ترسیلی لائنس کی وجہ سے سیب کے باغات میں کام کر رہے مقامی آبادی خوف و دہشت میں رہتے ہیں۔
مقامی لوگوں نے الزام عائد کرتے ہوئے کہا کہ ا نہوں نے کئی بار متعلقہ محکمہ کے اعلیٰ افسران کے سامنے اپنے مطالبات رکھے لیکن آج تک اس سلسلے میں کوئی موثر کاروائی عمل میں نہیں لائی گئی۔مقامی لوگوں نے بتایا جہاں گیارہ ہزار ترسیلی لائن سیب کے درختوں کے ساتھ ٹکراتی ہے وہاں اونچے کھپے لگایے جائیں۔
