جموں 7 اپریل :
لفٹینٹ گورنر منوج سنہا نے آج راج بھون میں کوآپریٹیو ڈیپارٹمنٹ کے کواپریٹو منیجمنٹ میں ڈپلومہ اور کواپریٹو اور قبائلی امور کے محکمے کے درمیان ایم او یو دو بڑے اقدامات کا آغاز کیا ۔ اسٹیک ہولڈرز کو مبارکباد دیتے ہوئے لفٹینٹ گورنر نے کہا کہ یہ اقدامات یو ٹی میں تعاون پر مبنی جذبے کو تقویت دیں گے اور قبائلی برادری کی زندگیوں کو بدل دیں گے ۔
لفٹینٹ گورنر نے کہا ’’ عزت مآب وزیر اعظم کا ’ سہکار سے سمردھی ‘ کا وژن سماجی اور اقتصادی تبدیلی کی رہنمائی کرے گا اور زرعی شعبے کی ترقی کیلئے اہم مدد فراہم کرے گا ۔ نئے اقدامات کا مقصد کواپریٹو کی کارکردگی کو بہتر بنانا اور دیہی معیشت کی ضروریات کو پورا کرنا ہے ۔
کواپریٹو ایجوکیشن اور ٹریننگ کو فروغ دینے پر زور دیتے ہوئے لفٹینٹ گورنر نے کہا کہ کواپریٹو منیجمنٹ میں ڈپلومہ متعارف کرانے سے جونئیر افسران ، کواپریٹو سوسائیٹیز کے ممبران ، ایف پی اوز اور دیگر متعلقہ محکموں کے اہلکاروں کو کواپریٹو کاروبار کو منظم کرنے سے جموں و کشمیر میں انسانی وسائل کی ترقی اور عمل کو آسان بنانے کیلئے مطلوبہ مہارتیں حاصل کرنے کے مواقع فراہم ہوں گے ۔
لفٹینٹ گورنر نے مساوی اور پائیدار دیہی ترقی کے دوہرے مقاصد کو حاصل کرنے کیلئے کواپریٹو ڈیپارٹمنٹ اور قبائلی امور کے محکمے کی اسکیموں کے ضم ہونے کے مثبت اثرات کو بھی اجاگر کیا ۔
لفٹینٹ گورنر نے کہا ’’ محکمہ کواپریٹو اور قبائلی امور کے محکمے کے درمیان مفاہمت کی یاداشت اس بات کو یقینی بنائے گی کہ قبائلی کواپریٹو ون دھن وکاس کیندرز مختلف اسکیموں کے فوائد حاصل کریں اور قبائلی آبادی کی اقتصادی ترقی اور خوشحالی کو قابل بنائیں ۔ ‘‘
لفٹینٹ گورنر نے نچلی سطح پر ترقی اور صلاحیت کی تعمیر کو تیز کرنے کیلئے کواپریٹو سیکٹر کو مضبوط کرنے کے لئے یونین ٹیر ٹیری انتظامیہ کی کوششوں کا اشتراک کیا ۔
انہوں نے کہا ’’ ہم نے دیہی ترقیاتی اسکیموں کے موثر طریقے سے نفاذ کو یقینی بنانے اور ہدف بنائے گئے طبقات کو بااختیار بنانے کیلئے کئی اقدامات کئے ہیں ۔ کواپریٹو کی ترقی کیلئے وسائل کی دستیابی ایک اور شعبہ ہے جہاں لوگوں تک کریڈٹ کی رسائی اور فوائد کی منصفانہ تقسیم کیلئے معاون خدمات کو یقینی بنانے کیلئے اقدامات کئے گئے ہیں ۔ ‘‘ انہوں نے مزید کہا کہ مختلف شعبوں میں 1000 سے زیادہ کواپریٹو قائم کئے گئے ہیں ۔ جموں ، بارہمولہ اور اننت ناگ سینٹرل کواپریٹو بینکوں کے احیاء کیلئے 366 کروڑ روپے مختص کئے گئے تھے اس کے علاوہ جموں کشمیر میں 27 سال بعد اپیکس لیول ڈیری فیڈریشن قائم کی گئی ہے ۔
لفٹینٹ گورنر نے کواپریٹو سیکٹر کی توسیع اور پرائمری ایگریکلچر کواپریٹو سوسائٹی سے زیادہ کسانوں کو جوڑنے پر زور دیا ۔ لفٹینٹ گورنر نے مزید کہا کہ ہر پنچائت میں پی اے سی ایس کا قیام ہمارا اولین مقصد ہونا چاہئیے ۔
اس موقع پر لفٹینٹ گورنر نے کواپریٹو ڈیپارٹمنٹ کے لوگو کی بھی نقاب کشائی کی ۔ کمشنر سیکرٹری کواپریٹو ڈیپارٹمنٹ محترمہ یاشا مدگل اور سیکرٹری قبائلی امور ڈاکٹر شاہد اقبال چودھری نے آج شروع کئے گئے نئے اقدامات اور کواپریٹو ڈیپارٹمنٹ اور قبائلی امور کے محکمے کے اشتراک کے بارے میں تفصیلی بریفنگ دی ۔
لفٹینٹ گورنر نے پی اے سی ایس کے کمپیوٹرائیزیشن کیلئے شروع کئے گئے اقدامات کے علاوہ مختلف سطحوں پر ایکشن پلان اور بیداری کے پروگراموں کی بھی تعریف کی ۔
لفٹینٹ گورنر نے ڈپلومہ کورس کے تربیتی ماڈیولز کے بارے میں بھی دریافت کیا ۔ اس موقع پر بتایا گیا کہ سنٹر فار کواپریٹو منیجمنٹ جموں کے ذریعے کواپریٹو منیجمنٹ میں 40 ہفتوں کے ڈپلومہ کورس کیلئے 50 امیدواروں نے داخلہ لیا ہے ۔ اس موقع پر محکموں کے سربراہان اور اعلیٰ افسران موجود تھے ۔
