سرینگر۔ 17؍ جون:
ششتر سیما بل ( ایس ایس بی) نے 9ویں بین الاقوامی یوگا ڈے کے سلسلے میں سری نگر میں ایک یوگا پروگرام کا انعقاد کیا، جو 21 جون کو منایا جائے گا۔ پروگرام میں ایس ایس بی کے اہلکاروں نے پورے جوش و خروش کے ساتھ حصہ لیا۔ اس پروگرام کا مقصد یوگا کو مقبول بنانا تھا تاکہ تناؤ، اضطراب اور ڈپریشن کو کم کیا جا سکے اور تمام اہلکاروں میں سکون اور راحت کو بڑھایا جا سکے۔
یوگا کا عالمی دن 2015 سے ہر سال 21 جون کو دنیا بھر میں منایا جاتا ہے، 2014 میں اقوام متحدہ کی جنرل اسمبلی میں اس کے آغاز کے بعد یوگا ایک جسمانی، ذہنی اور روحانی مشق ہے جس کی ابتدا قدیم ہندوستان میں ہوئی۔
اپنے 2014 کے اقوام متحدہ کے خطاب میں، وزیر اعظم نریندر مودی نے 21 جون کی تاریخ تجویز کی، کیونکہ یہ شمالی نصف کرہ میں سال کا سب سے طویل دن ہے اور دنیا کے کئی حصوں میں اس کی ایک خاص اہمیت ہے۔ششتر سیما بل کے ڈی آئی جی، ایچ بی کے سنگھ نے ہمارے رپورٹر سے بات کرتے ہوئے کہا کہ ہم سشستر سیما بل کی جانب سے لوگوں کو اپنی روزمرہ کی زندگی میں یوگا کرنے کی اہمیت کے بارے میں ایک پیغام دینا چاہتے ہیں۔
ہمارے رپورٹر سے بات کرتے ہوئے، ششتر سیما بل کے ڈی آئی جی، ایچ بی کے سنگھ نے کہا، ہم سب ششتر سیما بل کی جانب سے لوگوں کو یہ پیغام دینا چاہتے ہیں کہ ہماری زندگی میں یوگا کی کیا اہمیت ہے اور اس کے کیا فوائد ہیں۔خصوصاً اپنی فوجی زندگی میں جہاں ہم ہر لمحہ تناؤ کا شکار ہوتے ہیں، گھر سے دور رہتے ہیں، اور بہت سی مشکلات کا سامنا کرنا پڑتا ہے، یوگا کی مدد سے ہم اپنے جسم کو تناؤ سے نجات دلا سکتے ہیں اور بہت سی بیماریوں سے نجات پا سکتے ہیں۔
