سرینگر۔ 6؍ اگست:
جموں و کشمیر کے لیفٹیننٹ گورنر منوج سنہا نے اتوار کو کہا کہ امرت بھارت سٹیشن سکیم کے تحت خطے میں تین ریلوے سٹیشنوں کی دوبارہ ترقی سے کنیکٹیویٹی کو تقویت ملے گی اور لوگوں کے لیے سفر آسان ہو جائے گا۔ انہوں نے کہا کہمیرا ماننا ہے کہ ریلوے رابطہ معاشرے کی لائف لائن ہے۔ ایک ریلوے لائن نہ صرف مختلف خطوں کے ساتھ رابطے کو مضبوط کرتی ہے بلکہ یہ اقتصادی خوشحالی بھی لاتی ہے اور معیار زندگی کو بدلتی ہے اور متعلقہ علاقے کی نئی تقدیر بناتی ہے۔
سنہا بڈگام ریلوے اسٹیشن پر اتوار کو وزیر اعظم نریندر مودی کی طرف سے 24,470 کروڑ روپے کی لاگت سے ملک بھر میں 508 ریلوے اسٹیشنوں کی تعمیر نو کا سنگ بنیاد رکھنے کے بعد ایک تقریب سے خطاب کر رہے تھے۔ان میں سے تین ریلوے اسٹیشن جموں توی، ادھم پور اور بڈگام کو جے کے میں امرت بھارت اسٹیشن اسکیم کے تحت دوبارہ تیار کیا جائے گا۔لیفٹیننٹ گورنر نے کہا کہ وزیر اعظم کی رہنمائی میں ہندوستان وادی کشمیر میں بے مثال ریل پروجیکٹوں کا مشاہدہ کر رہا ہے۔
‘ ‘اس مالی سال کے آخر تک کشمیر کو کنیا کماری سے جوڑ دیا جائے گا۔ یہ وادی کو ملک کے تمام اہم تجارتی مراکز سے جوڑ دے گا۔ایل جی نے کہا کہ ریلوے بورڈ نے کشمیر میں پانچ حتمی لوکیشن سروے کے کاموں کو منظوری دی ہے ۔ بارہمولہ۔بانہال ریلوے لائن، نیو بارہمولہ۔اوڑی، اونتی پورہ۔شوپیان، سوپور۔کپواڑہ اور اننت ناگ۔بجبہاڑہ۔پہلگام ریل لائنوں کو دوگنا کرنا۔انہوں نے مزید کہا کہ ”ایک بار منظوری ملنے کے بعد، نئے نیٹ ورک وادی میں ریل رابطے کو فروغ دیں گے۔
