جموں/حب الوطنی کا جذبہ جموں ڈویژن کو اپنی لپیٹ میں لے رہا ہے کیونکہ سرکاری محکموں اور تعلیمی اداروں کی طرف سے آزادی کا امرت مہوتسو کے تحت ہندوستان کی آزادی کے 75 ویں شاندار سال کو منانے کے ساتھ ساتھ شہداء کو خراج عقیدت پیشکرنے کے لئے مشہور تقریبات کا انعقاد کیا گیا۔ میری ماٹی میرے دیش مہم کو فروغ دینے کے لیے پنچ پران کی تقریبات انعقاد کیا گیا موصولہ اطلاعات کے مطابق ضلعڈوڈہ میں مقامی شہیدوں کو خراج عقیدت پیش کرنے کے لیے ڈپٹی کمشنر ویشیش مہاجن نے عملی طور پر ضلع بھر کی تمام پنچایتوں میں نئ شہیدوں کے ناموں کو اجاگر کیا گیا۔
حکومت ہند کی طرف سے شروع کی گئی میری ماٹی میرا دیش مہم کے ایک حصے کے طور پر تمام 237 پنچایتوں اور کچھ نمایاں امرت سرووروں اور عوامی مقامات پر یادگاری تختیاں لگائی گئی ہیں۔پرجوش پنچایتی راج اداوں اور عام عوام کا ایک بہت بڑا اجتماع اپنے حقیقی ہیروز کے تئیں اپنی محبت، احترام اور عزت کا اظہار کرنے کے لیے یادگاری تختیوں پر آیا۔
کئی مقامات پر شہداء کے لواحقین کو بھی اعزازات سے نوازا گیا اور ان کی طرف سے تختیوں کی نقاب کشائی کی گئی۔ ضلعرامبن میں ڈپٹی کمشنر، رامبن، مسرت اسلام نے تقسیم کے سانحات کو سمیٹنے والی نایاب تصویروں کی نمائش کا افتتاح کیا۔ڈپٹی کمشنر کے ساتھ صدر میونسپل کونسل رامبن، سنیتا سمبریا اور دیگر کونسلر موجود تھے۔کشتواڑ میں جی ڈی سی کشتواڑ آڈیٹوریم میں اپنی نوعیت کا پہلا میگا مشاعرہ کم کثیر ثقافتی کنسرٹ منعقد کیا گیا۔ ڈپٹی کمشنر ڈاکٹر دیونش یادو آئی اے ایس کی قیادت میں ضلعی انتظامیہ نے یتیموں کے لیے فنڈز اکٹھا کرنے کے عظیم مقصد کے ساتھ "میری ماٹی مارا دیش” مہم کے ایک حصے کے طور پر اس منفرد اقدام کا اہتمام کیا۔کٹھوعہ میں اتحاد اور حب الوطنی کے شاندار مظاہرے میں میری ماٹی میرا دیش کے بینر تلے کٹھوعہ ضلع میں 77ویں یوم آزادی کی تقریبات کے پیش خیمہ کے طور پر مختلف تقریبات کا انعقاد کیا گیا۔
ضلع انتظامیہ کٹھوعہ نے ڈپٹی کمشنر راکیش منہاس کی قیادت میں ہیرا نگر سب ڈویژن کی گلیوں میں ایک زبردست ترنگا ریلی نکالی جس میں پرجوش شہریوں نے اپنے دلوں میں فخر اور حب الوطنی کے جذبے سے بھرپور شرکت کی۔ ضلع ادھم پور میں ضلع انتظامیہ ادھم پور نے ڈی سی آفس کمپلیکس سے ایک میگا ترنگا ریلی نکالی۔ڈپٹی کمشنر، سچن کمار ویشیا، ایس ایس پی، ڈاکٹر ونود کمار، ایڈیشنل ڈپٹی کمشنر، جوگندر سنگھ جسروٹیا، 2000 سے زائد اہلکار، پولیس اہلکار، سول سوسائٹی کے ارکان میں شامل تھے جنہوں نے اپنے ہاتھوں میں قومی پرچم اٹھائے ہوئے اور حب الوطنی کے نعرے لگاتے ہوئے ریلی میں حصہ لیا۔
