جموں، 02 جنوری:
ڈائریکٹر جنرل آف پولیس، جموں و کشمیر، جناب آر آر سوین نے پولیس ہیڈ کوارٹرز جموں میں منعقدہ ایک سادہ تقریب میں پولیس وائیوز ویلفیئر ایسوسی ایشن، سال 2024 کے لیے کیلنڈر کی نقاب کشائی کی۔یہ دیواری کلینڈر پولیس کی کامیابیوں اور سرگرمیوں کو اجاگر کرتا ہے ۔ کلینڈر کی نقاب کشائی تقریب میں اے ڈی جی پی (ہیڈکوارٹر/کوارڈ) پی ایچ کیو، جناب ایم کے سنہا، آئی جی پی ہیڈکوارٹر/سی آئی وی پی ایچ کیو، شری بی ایس توتی، اے آئی جی ویلفیئر پی ایچ کیو، ڈاکٹر ابھیشیک مہاجن اور ڈی وائی ایس پی ویلفیئر پی ایچ کیو شری شبیر احمد موجود تھے۔
سال2024کا یہ کیلنڈرسال 2023 میں جموں و کشمیر پولیس کی طرف سے منعقد کی گئی بڑی سرگرمیوں میں سے کچھ کی نمائش کر رہا ہے۔ یہ جموں و کشمیر کے پولیس افسران اور اہلکاروں کو دیئے گئے مختلف تمغوں کی شکل میں ملنے والی پہچان کو نمایاں کرتا ہے جس میں 01 کیرتی چکر ، 02 شوریہ چکر، 80 پولیس میڈلز برائےبہادری کی خدمات کے لیے، 03 صدر پولیس تمغے برائے ممتاز خدمات ، 31 پولیس تمغے برائے شاندار خدمات شامل ہیں۔
کیلنڈر کی دیگر اہم جھلکیاں مرکزی وزیر داخلہ جناب امت شاہ کی شہداء کے اہل خانہ سے ملاقات، عزت مآب ایل جی جناب منوج سنہا، جموں و کشمیر شہداء کو خراج عقیدت پیش کرتے ہوئے، پریڈ دستوں کا معائنہ کرتے ہوئے، عزت مآب ایل جی، جے اینڈ راج بھون، جموں میں منعقدہ ایک تقریب کی بھی نمائش کرتا ہے،کیلنڈر میں راشٹریہ ایکتا دیوس کے عہد کی تقریب، خون کا عطیہ کیمپ، اے پی سی زیوان میں منعقدہ پولیس یادگاری پریڈ، پی ایچ کیو سری نگر میں نئے ڈی جی پی جموں و کشمیر کی طرف سے گارڈ آف آنر کا معائنہ اور 33ویں پولیس پبلک میلے کے مناظر بشمول بچوں کے پینٹنگ مقابلے، چیئرپرسن پاوا اور دیگر ممبران کوجموں میں منعقدہ دیوالی میلے میں طلباء کےساتھ تصاویر کی نمائش کر تا ہے۔
اس کیلنڈر میں پولیس کی جانب سے 2023 میں اپنے سوک ایکشن پروگرام کے تحت شروع کیے گئے اقدامات اور مختلف نوجوانوں کی شمولیت کی اسکیموں کو بھی دکھایا گیا ہے جن میں جموں میراتھن، کشمیر میراتھن، سائیکل ریس پیڈل فار پیس، 19 ویں شہداء میموریل فٹ بال ٹورنامنٹ، امن میموریل کرکٹ میں نوجوانوں کی بھرپور شرکت شامل ہے۔ ٹورنامنٹ، جشنِ ڈل اور راشٹر کتھا شیویر اور ریٹائرڈ ڈی جی پی اور سینئر پولیس افسران کی کشمیر میراتھن کے فاتحین کے ساتھ تصاویر۔ یوم جمہوریہ کے موقع پر جموں و کشمیر پولیس کی ڈیئر ڈیولز ٹیم کی طرف سے ٹیلنٹ کا مظاہرہ بھی کیلنڈر میں دکھایا گیا ہے۔ کیلنڈر کے صفحات پر شہدا کے خاندانوں، اس کے اہلکاروں اور ایس پی اوز کے لیے محکمہ کی فلاحی سرگرمیاں بھی درج کی گئی ہیں۔
