سرینگر 03جنوری:
جنوبی ضلع کولگام کے ہادی گام علاقے میں سیکورٹی فورسز اور ملی ٹینٹوں کے مابین تصادم شروع ہوا ہے۔ پولیس ترجمان نے اسکی تصدیق کرتے ہوئے بتایا کہ آس پاس علاقوں کو محاصرے میں لے کر فرار ہونے کے سبھی راستوں پر پہرے بٹھا دئے گئے ہیں۔ یو پی آئی کے مطابق ملی ٹینٹوں کی موجودگی کی اطلاع موصول ہونے کے بعد سیکورٹی فورسز نے بدھ کی شام کو کولگام کے ہادی گام علاقے کو محاصرے میں لے کر جوں ہی تلاشی آپریشن شروع کیا تو اسی اثنا میں وہاں پر موجود جنگجووں نے فورسز پر اندھا دھند فائرنگ شروع کی ، چنانچہ سلامتی عملے نے بھی پوزیشن سنبھال کر جوابی کارروائی کا آغاز کیا جس دوران دو جانب شدید گولیوں کا تبادلہ شرو ع ہوا۔
ذرائع نے بتایا کہ سیکورٹی فورسز نے آس پاس علاقوں کو محاصرے میں لے کر فرار ہونے کے راستوں پر پہرے بٹھا دئے ہیں۔ مقامی ذرائع نے بتایا کہ گاوں میں شدید گولیوں کا تبادلہ جاری ہے۔ اس سلسلے میں مزید تفصیلات آیا چاہتی ہے۔
