سرینگر 5 جنوری:
سماج سے منشیات کی لعنت کو ختم کرنے کے لئے اپنی کوششوں کو جاری رکھتے ہوئے، پولیس نے بارہمولہ میں ایک خاتون منشیات فروش سمیت 5 منشیات فروشوں کو گرفتار کیا ہے اور ان کے قبضے سے ممنوعہ اشیاء برآمد کی ہیں
پولیس اسٹیشن بارہمولہ کی ایک پولیس پارٹی نے ایس ایچ او تھانہ بارہمولہ کی سربراہی میں کرالہار بارہمولہ میں ناکہ پر ایک گاڑی زیر نمبر JK05D-3072 (ٹاٹا وینچر) کو روکا ۔ جس میں ایک خاتون سمیت پانچ افراد سوار تھے۔ دوران تلاشی ان کے قبضے سے 45 گرام براؤن شوگر اور 345 گرام چرس برآمد ہوئی۔ ان کی شناخت شارق احمد شیخ ولد عبدل رشید، شریف احمد شیخ ولد بشیر احمد، عرفان احمد شیخ ولد مشتاق احمد، اور ایک خاتون، اور باقر احمد راتھر ولد عبدل قیوم راتھر ساکنان دیوان باغ بارہمولہ اورچندسوما کنیسپورہ کے رہنے والے کے طور پر ہوئی ہے۔ انہیں گرفتار کر کے تھانے منتقل کر دیا گیا ہے جہاں وہ زیر حراست ہیں۔
اسی مناسبت سے پولیس اسٹیشن بارہمولہ میں قانون کی متعلقہ دفعات کے تحت مقدمہ درج کرکے تحقیقات شروع کردی گئی ہے۔ ہم عام لوگوں سے گزارش کرتے ہیں کہ اگر آپ اپنے آس پاس کہیں بھی منشیات فروشی یا کوئی اور جرم دیکھتے ہیں تو بلا جھجھک قریبی پولیس اسٹیبلشمنٹ سے رابطہ کریں یا 112 پر ڈائل کریں۔ لوگوں سے درخواست ہے کہ معاشرے سے منشیات کی لعنت کو روکنے میں پولیس کے ساتھ تعاون کریں۔ ہم کمیونٹی ممبران کو یقین دلاتے ہیں کہ پولیس قانون کے مطابق مجرموں کے خلاف سخت کارروائی کرے گی۔
