سرینگر 07 جنوری:
سماج سے منشیات کی لعنت کو ختم کرنے کی اپنی کوششوں کو جاری رکھتے ہوئے، پولیس نے بارہمولہ میں ایک منشیات فروش کو گرفتار کیا ہے اور اس کے قبضے سے ممنوعہ مادہ برآمد کیا ہے۔
پولیس اسٹیشن کنزر کی ایک پولیس پارٹی نے ایس ایچ او پی ایس کنزر کی سربراہی میں رامبیل پورہ کنزر میں قائم ناکہ پر ایک شخص کو روکا جس کی شناخت ارشاد احمد وانی ولد غلام رسول وانی ساکن پاڈیتھ پورہ ٹنگمرگ کے طور پر ہوئی ہے۔ دوران تلاشی اس کے قبضے سے 110 گرام چرس برآمد ہوئی۔ اسے گرفتار کر کے پی ایس کنزر منتقل کر دیا گیا ہے جہاں وہ زیر حراست ہے۔
اسی مناسبت سے پولیس اسٹیشن کنزر میں قانون کی متعلقہ دفعات کے تحت مقدمہ درج کرکے تحقیقات شروع کردی گئی ہے۔
ہم عام لوگوں سے گزارش کرتے ہیں کہ اگر آپ اپنے آس پاس کہیں بھی منشیات فروشی یا کوئی اور جرم دیکھتے ہیں تو بلا جھجھک قریبی پولیس اسٹیبلشمنٹ سے رابطہ کریں یا 112 پر ڈائل کریں۔
