سرینگر 31 جنوری :
جموں و کشمیر اکنامک ری کنسٹرکشن ایجنسی ( ای آر اے ) کے چیف ایگزیکٹو آفیسر ڈاکٹر سید سحرش اصغر نے آج جے اینڈ کے ای آر اے کے تمام افسران پر زور دیا کہ وہ عالمی بینک کی مالی اعانت سے جہلم توی فلڈ کے تحت مکمل ہونے والے تمام ذیلی پروجیکٹ صارف محکموں کیلئے بروقت فراہمی کو یقینی بنائیں ۔
انہوں نے یہ بات آج یہاں سول سیکرٹریٹ سرینگر میں عالمی بنک کی مالی اعانت سے جاری جہلم توی فلڈ ریکوری پروجیکٹ کی پیش رفت کا جائیزہ لینے کیلئے منعقدہ میٹنگ کی صدارت کرتے ہوئے کہی۔
جے ٹی ایف آر پی کے تحت زیر تکمیل ذیلی پروجیکٹوں کی پیش رفت کا جائیزہ لیتے ہوئے ڈاکٹر سید سحرش اصغر کو بتایا گیا کہ سرینگر شہر میں 47 ڈی واٹرنگ اسٹیشنوں کی اپ گریڈیشن پر کام کی پیش رفت ترقی کے مرحلے میں ہے اور 40 اسٹیشنوں پر کام پہلے ہی مکمل ہو چکا ہے ۔ باقی 7 اسٹیشن مارچ 2024 تک مکمل کر لئے جائیں گے ۔
سی ای او نے متعلقہ نوڈل افسروں کو ہدایت دی کہ وہ ان تمام رکاوٹوں کی جارحانہ پیروی کریں جو ذیلی پروجیکٹ پر کام کی پیش رفت میں رکاوٹ بن رہی ہیں ۔ ایڈیشنل سیکرٹری لیگل جے کے ای آر اے سے بھی کہا گیا کہ وہ ایس ایم سی کے ساتھ ان قانونی مسائل کی پیروی کریں جو ذیلی پروجیکٹ پر کام کی پیش رفت کو متاثر کر سکتے ہیں ۔
جی ڈی سی بیمنہ میں اضلافی بلاک کی تعمیر کے نوڈل افسر نے بتایا کہ ذیلی پروجیکٹ پر کام مکمل ہونے کے قریب ہے کیونکہ عمارت میں صرف کچھ ذیلی کام اور لفٹوں کی تنصیب باقی ہے اور یہ مارچ 2024 تک مکمل ہو جائے گا ۔
بون اینڈ جوائینٹس ہسپتال برزلہ میں 160 بستروں پر مشتمل ہسپتال کی عمارت کی تعمیر کے نوڈل آفیسر نے عالمی بینک کی مالی اعانت سے جے ٹی ایف آر پی کے تحت عمل میں لایا جا رہا ہے ۔
جموں ڈویژن میں بی اے ایل اے اسکول کی عمارتوں کی تعمیر کے نوڈل آفیسر نے بتایا کہ رام نگر ، اودھمپور سمیت تمام اسکولوں کی عمارتوں پر کام مکمل کر لیا گیا ہے اور اسکول کی عمارتیں حوالے کرنے کی رسمی کارروائی پہلے ہی اسکول حکام کے ساتھ شروع کی گئی ہے ۔
ڈاکٹر سحرش کو یہ بھی بتایا گیا کہ عالمی بینک کی مالی معاونت سے جے ٹی ایف آر پی کے تحت شروع کئے جانے والے دو اہم دریا کے مورفولوجیکل اسٹڈیز توی اور جہلم طاس پر بھی کام جاری ہے جس کے بارے میں رپورٹس کے مطابق کنسلٹنٹس مختلف کام انجام دے رہے ہیں جن کا کام آئی اینڈ ایف سی کے ساتھ اشتراک کیا جا رہا ہے ۔
میٹنگ میں انجینئر گروچرن سنگھ ، ڈائریکٹر ٹیکنیکل ، جے ٹی ایف آر پی ڈاکٹر سجاد وانی ، چیف اکاؤنٹس آفیسر جے اینڈ کے ای آر اے /جے ٹی ایف آر پی انجینئر اشوک کھوکر ، پروجیکٹ منیجر ٹرانسپورٹ جموں انجینئر پوجا وزیر ، ڈپٹی پروجیکٹ منیجر ٹرانسپورٹ جموں سشیل کمار ، پروجیکٹ منیجر ٹرانسپورٹ جے کے ای آر اے کشمیر انجینئر اصغر وتالی ، ڈپٹی پراجیکٹ منیجر جے اینڈ کے ای آر اے ٹرانسپورٹ انجینئر فیروز احمد کے علاوہ متعلقہ افسران نے شرکت کی ۔
