سرینگر / رشوت خور ی اور بد عنوانی کے خلاف جنگ جاری رکھتے ہوئے اینٹی کورپشن بیورو نے جموں میں ایک پولیس انسپکٹر اور ہیڈ کانسٹیبل کے خلاف مبینہ طور پر غیر متناسب اثاثے جمع کرنے کے الزام میں الگ الگ مقدمات درج کیے ہیں۔سی این آئی کے مطابق اینٹی کورپشن بیورو ( اے سی بی ) نے جموں کے 2 پولیس اہلکاروں کے خلاف کیس درج کر لیا ہے ۔ اے سی بی کی جانب جاری کردہ بیان کے مطابق انسپکٹر امیت کمار کول اور ہیڈ کانسٹیبل راجندر کمار شرما کے خلاف غیر متناسب اثاثے رکھنے کے الزام میں مقدمات درج کیے گئے تھے۔
بیان میں کہا گیا ہے کہ امیت کمار کول کے خلاف پی سی ایکٹ 1988 کے تحت ایف آئی آر نمبر 01/2024کے تحت اے سی بی جموں کی پی ایس سنٹرل برانچ میں ایک خفیہ تصدیق کے نتائج کی بنیاد پر درج کی گئی ہے۔ یہ الزام ہے کہ افسر پر غیر متناسب اثاثے ہیں جو اس کی آمدنی کے معلوم ذریعہ سے ہے۔راجندر کمار شرما کے خلاف پی سی ایکٹ کی ایف آئی آر نمبر 02/2024پولیس اسٹیشن اے سی بی جموں میں درج کی گئی ہے۔ اہلکار نے اپنی آمدنی کے معلوم ذریعہ سے غیر متناسب اثاثے جمع کیے ہیں۔ اس میں لکھا گیا ہے کہ ان کے گھروں اور کاروباری اداروں کی تلاشی بھی لی گئی، جس کے دوران مجرمانہ دستاویزات اور قیمتی سامان قبضے میں لے لیا گیا،جبکہ مزید تفتیش جاری ہے۔
