سری نگر،18فروری:
وادی کشمیر میں پچھلے چوبیس گھنٹوں کے دوران آگ کی اٹھارہ وارداتوں میں پانچ رہائشی مکان، شاپنگ کمپلیکس ، چار گاوخانے ، ورکشاپ ، چنار کا درخت خاکستر ہوا ہے۔لاکھوں روپیہ مالیت کی املاک راکھ کے ڈھیر میں تبدیل ۔
فائر اینڈ ایمرجنسی کے ایک سینئر عہدیدار نے یو این آئی اردو کو بتایا کہ مین مارکیٹ لارنو کوکر ناگ میں آگ نمودار ہونے کی اطلاع ملتے ہی فائر اینڈ ایمرجنسی کے اہلکار جائے موقع پر پہنچے۔انہوں نے بتایا کہ فائراینڈ ایمرجنسی عملے کی بروقت کارروائی کے نتیجے میں گر چہ آگ پر قابو پایا گیا تاہم آتشزدگی کی اس واردات میں شاپنگ کمپلیکس کونقصان پہنچا ہے۔
کوئل ڈی ایچ پورہ کولگام میں آتشزدگی کی واردات میں رہائشی مکان خاکستر ہوا ہے۔موصوف عہدیدار نے بتایا کہ کیگام سونہ بنجر پکھر پورہ بڈگام میں جنگلی علاقے میں لگی آگ سے درختوں کو نقصان پہنچا ہے ۔
پتلی باغ پانپور میں شبانہ آتشزدگی کی ایک واردات میں گاو خانہ مکمل طورپر خاکستر ہوا۔ان کے مطابق بارگام اونتی پورہ میں اس وقت سنسنی کا ماحول پھیل گیا جب نرسری میں آگ نمودار ہوئی تاہم فائر اینڈ ایمرجنسی عملے کی بروقت کارروائی کے نتیجے میں آگ پر قابو پایا گیا۔
انہوں نے کہاکہ آگ کی اس واردات میں درختوں کو نقصان پہنچا ہے۔انہوں نے مزید بتایا کہ بڈشاہ محلہ لالبازار میں آگ کی ایک واردات میں گاو خانہ تباہ ہوا جبکہ ہلر ڈورو کولگام میں رہائشی مکان آگ کی واردات میں خاکستر ہوا ہے۔
موصوف آفیسر نے بتایا کہ زوہامہ چاڈورہ میں چنار کا درخت آگ کی واردات میں خاکستر ہوا جبکہ ہرن کپواڑہ میں آتشزدگی کی بھیانک واردات میں رہائشی مکان پوری طرح سے تباہ ہوا ہے جبکہ لاکھوں روپیہ مالیت کی اشیاءبھی راکھ کے ڈھیرمیں تبدیل ہوائی۔انہوں نے مزید بتایا کہ ہم پورہ قاضی آباد کپواڑہ میں رہائشی مکان سے آگ نمودار ہونے کی اطلاع ملتے ہی فائر اینڈ ایمرجنسی کے اہلکار جائے موقع پر پہنچے اور انتھک کوشش کے بعد آگ پر قابو پایا گیا۔
ڈورو گنڈ زاہد پورہ اننت ناگ میں الیکٹرک ٹرانسفر جل کا راکھ کے ڈھیر میں تبدیل ہواہے۔فائر اینڈ ایمرجنسی کے عہدیدار نے بتایا کہ پانپور میں آگ کی ایک واردات میں دو منزلہ ورکشاپ جل کر راکھ ہو گیا ہے جبکہ آگ کی اس واردات میں ورکشاپ میں موجود قیمتی سان بھی تباہ ہوا۔انہوں نے مزید بتایا کہ نائد یار غوثیہ کالونی میں آگ کی ایک واردات میں رہائشی مکان خاکستر ہوا ہے۔
آفیسر موصوف نے بتایا کہ پولیس نے آگ لگنے کی وجوہات جاننے کی خاطر کیس درج کرکے مزید تحقیقات شروع کی ہے۔
