رامبن:مرکز کے زیر انتظام یوٹی جموں وکشمیر میں شری امرناتھ یاترا کی تیاریاں زور شور سے جاری ہے۔مختلف محکموں نے یاترا سے قبل تمام ترتیاریاں مکمل کرنے کی یقین دہانی کائی ہے۔لوگوں میں زبردست جوش و خروش پایا جا رہا ہے۔
اطلاع کے مطابق شری امرناتھ یاترا 2024 کے کامیاب انعقاد کے لئے اے ڈی جی پی جموں، ڈویژنل کمشنر جموں، ڈی سی رامبن، ڈی آئی جی ڈوڈہ ۔ ادہمپور رامبن رینج ، ڈی آئی جی ٹریفک اور سینئر افسران نے اج جموں سے بانہال تک کا سفر کیا اور 29 جون سے شروع ہونے والی شری امرناتھ یاترا سے ایک یاترا کاڈرائی رن کیا گیا ۔
انتظامیہ اور پولیس کی اس اعلیٰ سطحی ٹیم نے ضلع رامبن میں انتظامات کا باریک بینی سے جائزہ لیا اور کسی بھی کمی پیشی کو مکمل کرنے کے اقدامات کئے گئے۔
ٹیم نے یاتری نواس چندر کوٹ، یاترا ہالٹ پوائنٹ لامبر گراؤنڈ بانہال کے ساتھ ساتھ قومی شاہراہ پر شری امرناتھ یاتریوں کی حفاظت اور آرام و آسائش کیلئے تمام انتظامات اور تیاریوں کو یقینی بنانے کے اقدامات کا جائزہ لیا گیا۔
شری امرناتھ یاترا کیلئے تقریباً تمام انتظامات کو حتمی شکل دے دی گئی ہے اور جموں سرینگر قومی شاہراہ پر چندر کوٹ اور بانہال میں یاتریوں کیلئے لنگر قائم کیے گئے ہیں۔
