شوپیان: زینہ پورہ کے علاقے ونڈینہ میں ایک غیر ریاستی شخص کی لاش برآمد ہوئی ہے۔ مقامی لوگوں کے مطابق، آج صبح جب وہ علاقے سے گزر رہے تھے تو انہیں ایک لاش ملی، جس کے بعد فوراً پولیس کو اطلاع دی گئی۔
غور طلب ہے کہ پولیس نے موقع پر پہنچ کر لاش کو اپنی تحویل میں لے لیا اور موت کی وجہ جاننے کے لیے تحقیقات شروع کر دی ہیں۔ ابتدائی جانکاری کے مطابق، لاش پر گولیوں کے زخم پائے گئے ہیں۔ تاہم پولیس نے ابھی تک ان اطلاعات کی تصدیق نہیں کی ہے۔
واضح رہے کہ لاش کی شناخت اشوک چوہان، ساکنہ بہار کے طور پر کی گئی ہے، لیکن اس بارے میں پولیس کی جانب سے کوئی باضابطہ بیان جاری نہیں ہوا ہے۔ لاش کا پوسٹ مارٹم کیا جائے گا تاکہ موت کی اصل وجہ کا تعین کیا جا سکے۔ پولیس مزید تحقیقات کر رہی ہے۔
