جموں، 16 نومبر:
جموں و کشمیر اور لداخ میں گزشتہ 24 گھنٹوں کے دوران موسم عام طور پر خشک رہا۔ وہیں محکمہ موسمیات نے بدھ کو کہا کہ اگلے 24 گھنٹوں کے دوران جزوی طور پر ابر آلود آسمان کے ساتھ خشک موسم کی توقع ہے۔
محکمہ موسمیات کے ایک اہلکار نے کہا کہ ’’آئندہ 24 گھنٹوں کے دوران جموں و کشمیر میں جزوی طور پر ابر آلود آسمان کے ساتھ خشک موسم کی توقع ہے‘‘۔ اس دوران سرینگر میں کم سے کم درجہ حرارت 2.4 ڈگری سیلسیس، پہلگام میں مائنس 2.4 اور گلمرگ میں مائنس 3.6 ڈگری سیلسیس درج کیا گیا۔ لداخ کے علاقے میں، دراس شہر میں درجہ حرارت 13.2، کرگل میں مائنس 5 اور لیہہ میں مائنس 8.6 ڈگری سیلسیس درج کیا گیا جبکہ جموں میں کم سے کم درجہ حرارت 11.7ڈگری سیلسیس، کٹرا میں 11.2، بٹوت میں 3.5، بانہال میں 4.4 اور بھدرواہ میں 2.5 ڈگری سیلسیس درج کیا گیا ۔
